एका महिलेने गणेश नाईक यांच्यावर बलात्कार करणे आणि धमकावणे या प्रकरणी पोलीस ठाण्यात तक्रार प्रविष्ट केली होती. त्यावर उच्च न्यायालयाने नाईक यांना अटकपूर्व जामीन दिला आहे. त्यानंतर ते पत्रकारांशी बोलत होते.

गांधीवाद्यांनी महाराष्ट्र आणि देश यांची फसवणूक केली, असे वक्तव्य अधिवक्ता गुणरत्न सदावर्ते यांनी केले. एस्.टी. कर्मचाऱ्यांची ‘एस्.टी. कष्टकरी जनसंघ’ या संघटनेची स्थापनेच्या मुंबईतील एका कार्यक्रमात त्यांनी वरील वक्तव्य केले.

वैद्यकीय नियमांनुसार ‘एम्.आर्.आय.’ काढण्याच्या कक्षात भ्रमणभाष नेता येत नाही. असे असतांना खासदार नवनीत राणा लीलावती रुग्णालयात उपचारांसाठी गेल्या असतांना तेथील ‘एम्.आर्.आय.’ कक्षात त्यांची छायाचित्रे काढण्यात आली.