सनातन प्रभात > Post Type > बातम्या > राष्ट्रीय बातम्या > Idol Vandalized In Muthyalamma Temple : भाग्‍यनगर (तेलंगाणा) येथे मंदिरात घुसून देवीच्‍या मूर्तीची तोडफोड करणार्‍या सलीमला अटक !

Idol Vandalized In Muthyalamma Temple : भाग्‍यनगर (तेलंगाणा) येथे मंदिरात घुसून देवीच्‍या मूर्तीची तोडफोड करणार्‍या सलीमला अटक !

मंदिरात देवीच्‍या मूर्तीची तोडफोड

भाग्‍यनगर (तेलंगाणा) – येथील मुत्‍यालम्‍मा मंदिरात घुसून देवीच्‍या मूर्तीची तोडफोड केल्‍याच्‍या प्रकरणी भाग्‍यनगर पोलिसांनी सलीम सलमान ठाकूर नावाच्‍या  मुसलमान तरुणाला अटक केली. सिकंदराबाद येथील हॉटेलमधून मशिदीकडे जात असतांना मंदिरावर आक्रमण केल्‍याची स्‍वीकृती सलीमने दिली.

१. पोलिसांनी सांगितले की, सलीमसह इतर काही धर्मांधांनी भाग्‍यनगरमधील कुरमागुडा भागातील मुत्‍यालम्‍मा मंदिरातील देवीची मूर्ती तोडल्‍यानंतर सिकंदराबादमध्‍ये तणाव निर्माण झाला.

२. स्‍थानिक हिंदूंनी या घटनेविषयी संताप व्‍यक्‍त केला. या घटनेचा व्‍हिडिओ सामाजिक माध्‍यमांवर वेगाने पसरत आहे. या घटनेनंतर पोलीस अधिकार्‍यांनी सुरक्षाव्‍यवस्‍था कडक केली असून शांतता प्रस्‍थापित करण्‍याचे प्रयत्न चालू आहेत.

३. स्‍थानिकांनी मंदिराजवळ निदर्शने करत दोषींवर कारवाई करण्‍याची मागणी केली. या निदर्शनात भाजपचे नेतेही सहभागी झाले होते. या वेळी भाग्‍यनगर लोकसभा मतदारसंघातील भाजपच्‍या उमेदवार माधवी लता यांच्‍यासह भाजपच्‍या अनेक  कार्यकर्त्‍यांना अटक करण्‍यात आली.

४. या वेळी केंद्रीय मंत्री जी. किशन रेड्डी यांनी मंदिरात जाऊन त्‍यानंतर आंदोलकांची भेट घेतली. या प्रकरणी पोलीस पुढील अन्‍वेषण करत आहेत.

(ही छायाचित्रे / व्हिडिओ देण्यामागे कुणाच्याही धार्मिक भावना दुखावण्याचा आमचा उद्देश नसून हिंदु विरोधकांनी केलेले विडंबन कळावे, या उद्देशाने हे प्रसिद्ध केले आहे. –  संपादक)

संपादकीय भूमिका

महंमद गझनीचे वंशज भारतात आजही असून त्‍यांच्‍यावर वचक बसत नाहीत, तोपर्यंत अशा घटना थांबणार नाहीत !

नूतन लेख