संकटनाशासाठी कुणी श्री गणेशोपासनेची कास धरतो, तर कुणी मनोकामना पूर्तीसाठी, काही मनःशांतीसाठी किंवा विशिष्ट हेतू किंवा ईप्सित साध्य करण्यासाठी गणेशाची साधना करतात; मात्र साधकाच्या ठिकाणी चिकाटी, संयम, श्रद्धा आणि निष्ठेची आवश्यकता असते.

‘सुमुखश्र्चेकदंतश्र्चय कपिलो गजकर्णकः । लंबोदरश्र्च विकटो विघ्ननाशो गणधिपः ।।
धूम्रकेतुर्गणाध्यक्षो भालचंद्रो गजाननः । द्वादशैतानि नामानि य पठेच्छ्णुयादपि ।।’

महाराष्ट्रात ‘अष्टविनायक’ ही गणेश क्षेत्रांची गणना लोकप्रिय असली, तरी पुराणात २१ गणेश क्षेत्रे सांगितली आहेत. महाराष्ट्रातील आठही स्थाने त्यात समाविष्ट आहेतच; परंतु २१ क्षेत्रांतील अष्टविनायकांपैकी आणखी काही स्थाने महाराष्ट्रातच आहेत आणि काही महाराष्ट्राबाहेर भारतात अन्य ठिकाणी आहेत.