दक्षिण ध्रुवापर्यंतचा विनाअडथळा मार्ग दाखवणारे सोमनाथ मंदिर !

भारतीय मंदिरे धर्म, कला आणि विज्ञान यांचे एक आकर्षक मिश्रण आहेत. ती केवळ उपासनास्थळेच नाहीत, तर प्राचीन भारतातील विज्ञान आणि अभियांत्रिकीचे प्रगत ज्ञान दर्शवणारे उत्कृष्टे नमुने आहेत.

मंदिर आणि मूर्ती निर्मात्यांना तंत्रज्ञान, तसेच अभियांत्रिकी ज्ञानाचा मोठा अनुभव असल्याशिवाय एवढी वैशिष्ट्यपूर्ण मंदिरे बांधून होणे अशक्य आहे; किंबहुना काही ठिकाणची आश्चर्ये पाहिल्यावर असे लक्षात येते की, तेव्हाचे विज्ञान-तंत्रज्ञान आजच्या पेक्षाही प्रगत होते !

वर्ष १११६ मध्ये होयसळ राजवंशियांनी बांधलेले बेंगळुरू येथील चेन्नाकेशव मंदिर हे गुरुत्वाकर्षणाचा सिद्धांत दर्शवणार्‍या कलाकृतींनी भरलेले आहे !

वरमूर्तीस्वर मंदिरात गर्भादान, गर्भधारणा होणे, ९ मासांच्या गर्भावस्था, नैसर्गिकरित्या बाळ होणे, सिझर करून बाळ होणे, एवढेच नव्हे, तर काही दिवसांचा गर्भ सिद्ध करून तो दुसर्‍या ठिकाणी ठेवण्यासाठी काढणे,आदी सर्व गोष्टी दगडात अतिशय सुस्पष्टपणे कोरलेल्या आहेत.