हिंदु जनजागृती समितीचे महाराष्ट्र आणि छत्तीसगड संघटक सुनील घनवट ‘हिंदु शौर्य पुरस्कारा २०२५’ने सन्मानित !

पुणे, ९ एप्रिल (वार्ता.) – आपली ओजस्वी वाणी आणि नेतृत्व कौशल्य यांमुळे हिंदूंचे प्रभावी संघटन करणारे आणि हिंदु धर्मावरील आघात रोखण्यासाठी झटणारे हिंदु जनजागृती समितीचे महाराष्ट्र आणि छत्तीसगड राज्य संघटक श्री. सुनील घनवट यांना ‘श्रीरामनवमी उत्सव समिती’च्या वतीने ‘हिंदु शौर्य पुरस्कार २०२५’ प्रदान करून गौरवण्यात आले. ‘श्रीरामनवमी उत्सव समिती, पुणे’ने ६ एप्रिल या दिवशी धनकवडी येथे श्रीरामनवमीच्या निमित्ताने भव्य अशा मिरवणुकीचे आयोजन केले होते.  हिंदु जनजागृती समिती म्हटली की, श्री. सुनील घनवट यांचे नावच राष्ट्र-धर्म प्रेमींसमोर येते ! हिंदवी स्वराज्य अर्थात् हिंदु राष्ट्राच्या कार्यात देत असलेल्या योगदानासाठी श्री. सुनील घनवट यांना पुरस्कार देण्यात आला. कात्रज भाग संघचालक श्री. शिवाजीराव मालेगावकर यांच्या हस्ते श्री. सुनील घनवट यांना मानचिन्ह देण्यात आले.

या वेळी माजी महापौर श्री. दत्ताजी धनकवडे, आमदार श्री. भीमराव अण्णा तापकीर, राष्ट्रसंत भाऊ महाराज परांडे, योगी निरंजननाथजी, खासदार सौ. मेधा कुलकर्णी, मा. नगरसेवक वर्षा तापकीर, मा. नगरसेवक मोहिनी देवकर, श्री. सचिन भोसले, श्री. बाळासाहेब बोत्रे आणि इतर मान्यवर उपस्थित होते.

🌟 Hindu Shaurya Puraskar 2025@SG_HJS, Coordinator of @HinduJagrutiOrg (Maharashtra & Chhattisgarh), honoured with the prestigious Hindu Shaurya Puraskar 2025 by Shri Ram Navami Utsav Samiti, Dhankawadi, Pune.

This recognition was awarded during the ‘Shobhayatra Ramrajyachi’… pic.twitter.com/cFyHpMmf2A

— Sanatan Prabhat (@SanatanPrabhat) April 9, 2025

रामराज्य स्थापनेसाठी सर्वांना प्रयत्न करायचे आहेत ! – सुनील घनवट, संघटक, महाराष्ट्र आणि छत्तीसगड, हिंदु जनजागृती समिती

रामराज्य स्थापनेसाठी आपल्या सर्वांना प्रयत्न करायचे आहेत. श्रीरामजन्मभूमी परत मिळवण्यासाठी आपल्याला ५०० वर्षे लागली. काशी आणि मथुरा यांसाठी तेवढी वर्षे लागणार नाहीत, यासाठी हिंदूंना प्रयत्न करायचे आहेत. त्यामुळे आपण सर्वांनी जागृत राहूया !

विशेष : रामनवमीच्या निमित्ताने जसे आपण सर्व जण एकत्र येतो, तसे रामराज्य स्थापनेसाठी आणि हिंदु राष्ट्राच्या स्थापनेसाठी सर्वांनी प्रतिज्ञाबद्ध होऊया का ? असा प्रश्न श्री. सुनील घनवट यांनी विचारल्यावर सर्व धर्मप्रेमींनी हात उंचावून त्यांना अनुमोदन दिले.