Varanasi Rape Case : वाराणसीमध्ये विद्यार्थिनीवर २३ तरुणांकडून ७ दिवस सामूहिक बलात्कार

६ आरोपींना अटक

वाराणसी (उत्तरप्रदेश) – येथे होळीच्या कालावधीत एका विद्यार्थिनीचे अपहरण करून तिच्यावर २३ तरुणांनी ७ दिवस सामूहिक बलात्कार केल्याची घटना उघड झाली आहे. या तरुणांनी बलात्काराचे व्हिडिओ बनवले आहेत. ही घटना २९ मार्च ते ४ एप्रिल या कालावधीत घडली. पोलिसांनी गुन्हा नोंदवला आहे. यात १२ जणांची नावे असून ११ जण अज्ञात आहेत. ही विद्यार्थिनी एका हॉटेलशी संलग्न असलेल्या स्पा सेंटरमध्ये काम करते. या प्रकरणी पोलिसांनी ६ आरोपींना अटक केली आहे. यात साजिद, आयुष सिंह, दानिश खान, अनमोल, इम्रान आणि आणखी एकाचा समावेश आहे. त्यांची चौकशी केली जात आहे.