डेहराडून – उत्तराखंडच्‍या पिथौरागढ जिल्‍ह्यातील जुन्‍या लिपुलेखच्‍या टेकड्यांवरून पुढील आठवड्यापासून ‘एम्.आय-१७’ हेलिकॉप्‍टरद्वारे कैलास पर्वताचे दर्शन चालू होणार आहे. या प्रवासासाठी ७५ सहस्र रुपये खर्च येणार आहे.
१. कैलास पर्वत चीनच्‍या कह्यात असलेल्‍या तिबेटमध्‍ये आहे. कैलासाचे दर्शन घडणारे ठिकाण १४ सहस्र फुटांहून अधिक उंच आहे. त्‍यामुळे ५५ वर्षांपर्यंतच्‍या व्‍यक्‍तींनाच प्रवास करण्‍याची अनुमती असेल.
२. यापूर्वी भारतीय नागरिक ३ मार्गांनी कैलास पर्वतावर पोचू शकत होते. पहिला नेपाळमार्गे, दुसरा जुना लिपुलेखमार्गे आणि तिसरा सिक्‍कीममार्गे. या मार्गांवरील प्रवास ११ ते २२ दिवसांत पूर्ण होतो आणि त्‍यासाठी १ लाख ६ सहस्र ते २ लाख ५० सहस्र रुपये खर्च येत होता.
३. नवीन मार्गानुसार भाविकांच्‍या यात्रेला पिथौरागढ येथून प्रारंभ होईल. येथून सैन्‍याचे ‘एम्.आय-१७’ हेलिकॉप्‍टर एकावेळी १५ भाविकांना जुन्‍या लिपुलेखच्‍या आधी ३० किमी अंतरावर असलेल्‍या गुंजी गावात घेऊन जाईल. तेथे असलेल्‍या गाड्या भाविकांना २१ किमी पुढे नाभिडंगपर्यंत घेऊन जातील. तेथे प्रथम ओम पर्वत पहाता येईल. त्‍यानंतर भारतीय सैन्‍याचे सैनिक भाविकांना ९ किमी पुढे जुन्‍या लिपुलेख खिंडीपर्यंत घेऊन जातील. येथे भाविकांना शिखरावर बांधलेल्‍या ‘दृष्‍य बिंदू’वरून कैलास पर्वताचे दर्शन दिले जाईल.
४. ही यात्रा ४ दिवसांची असणार आहे. या यात्रेसाठी प्रत्‍येक भाविकाला ७५ सहस्र रुपये खर्च करावे लागतील. यामध्‍ये हेलिकॉप्‍टर-जीपचे भाडे, निवास, भोजन, गरम पाणी, रजाई-गादी इत्‍यादींचा समावेश आहे.
‘व्होट जिहाद’ला हिंदूंचे जोरदार प्रत्युत्तर; महाराष्ट्रात महायुतीला स्पष्ट बहुमत !
मक्केत मक्केश्वर महादेव आहे ! – शंकराचार्य जगद्गरु स्वामी निश्चलानंद सरस्वती
मुसलमान जोडप्यांना विवाहाचे प्रमाणपत्र देण्याच्या वक्फ बोर्डाच्या अधिकारावर कर्नाटक उच्च न्यायालयाची स्थगिती
प्रत्‍येक भारतियाने ‘द साबरमती रिपोर्ट’ चित्रपट पाहिला पाहिजे ! – मुख्यमंत्री योगी आदित्यनाथ
मंदिरांच्या माध्यमातून धर्मकार्य वाढवण्याचा मंदिर विश्वस्तांचा निर्धार !
आपण वानवासी, ग्रामवासी किंवा नगरवासी असलो, तरी आपण सगळे भारतवासी आहोत ! – राष्ट्रपती द्रौपदी मुर्मू