पुणे – ‘महाराष्ट्र मूल्यवर्धित कर कायदा २००२’ची प्रलंबित थकबाकी भरण्यास टाळाटाळ करणार्‍या ‘ब्रुक्राप्ट माइक्रो प्रायव्हेट लिमिटेड’ या मद्य (बिअर) बनवणार्‍या आणि विकणार्‍या आस्थापनाला राज्य कर विभागाने दणका दिला आहे.
५७ कोटी ४८ लाख ६९ सहस्र ४१५ रुपयांचा कर बुडवल्याप्रकरणी आस्थापनाच्या २ संचालकांवर कोंढवा पोलीस ठाण्यात गुन्हा नोंद करण्यात आला आहे. सुकेतू तळेकर आणि प्रतीक चतुर्वेदी अशी गुन्हा नोंद झालेल्यांची नावे आहेत. या प्रकरणी राज्य कर निरीक्षक दीपक शिंदे यांनी कोंढवा पोलीस ठाण्यात तक्रार दिली आहे.
या आस्थापनाचे संचालक तळेकर आणि चतुर्वेदी यांनी मूल्यवर्धित कर कायदा २००२ च्या कलम २० अन्वये विवरणपत्रके प्रविष्ट करणे बंधनकारक असतांना त्यांना वारंवार याविषयी सूचित केले होते, तसेच ‘कारणे दाखवा’ नोटीसही बजावली होती. त्यालाही योग्य तो प्रतिसाद न मिळाल्याने आणि कर चुकवल्याने आस्थापनाच्या २ संचालकांवर गुन्हा नोंद करण्यात आला आहे.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्यात आलेली विशेष रूपातील पूजा !