धनबाद येथे हिंदु संघटनांचे आंदोलन !
धनबाद (झारखंड) – सनातन धर्माविषयी अत्‍यंत आक्षेपार्ह आणि धार्मिक भावना दुखावणारी विधाने करणारे तमिळनाडूतील मंत्री उदयनिधी स्‍टॅलिन, कर्नाटकातील मंत्री प्रियांक खर्गे आणि द्रमुकचे खासदार ए. राजा यांच्‍या विरोधात गुन्‍हा नोंदवून कठोर कारवाई करावी, अशी मागणी धनबादमधील रणधीर वर्मा चौकात एक दिवसीय आंदोलनात करण्‍यात आली.
१. या वेळी धनबादमधील भाजपचे आमदार राज सिन्‍हा उपस्‍थित होते. उपस्‍थितांना संबोधित करतांना ते म्‍हणाले की, सनातन धर्माची अपकीर्ती करणार्‍यांचा निषेध करण्‍यासाठी हा विषय प्रत्‍येक गावागावांत पोचवण्‍याची आवश्‍यकता आहे. राजकारणासाठी सनातन धर्माची अपकीर्ती करणार्‍यांवर कारवाई झाली पाहिजे.
२. ‘तरुण हिंदु’ संघटनेचे डॉ. निशांत दास म्‍हणाले की, तमिळनाडूचे मंत्री उदयनिधी स्‍टॅलिन, कर्नाटकचे मंत्री प्रियांक खर्गे आणि द्रमुकचे खासदार ए. राजा हे तिघेही घटनात्‍मक पदे भूषवत आहेत आणि तरीही त्‍यांनी वरील विधाने केली आहेत. यामुळे हिंदूंच्‍या धार्मिक भावना दुखावल्‍या गेल्‍या आहेत. संपूर्ण देशात संतापाचे वातावरण आहे.
या आंदोलनात ‘तरुण हिंदु’चे संस्‍थापक डॉ. नील माधव दास, अधिवक्‍ता लल्लन सिंह, हिंदु जनजागृती समितीचे अमरजीत प्रसाद, दीपक केशरी, समितीचे पूर्व आणि ईशान्‍य भारत राज्‍य समन्‍वयक श्री. शंभू गवारे, तसेच विश्‍व हिंदु परिषद, बजरंग दल यांसह अनेक हिंदु संघटना सहभागी झाल्‍या होत्‍या.
झारखंडमधील जमदेशपूर आणि बोकारो येथेही आंदोलन
अशाच प्रकारचे आंदोलन झारखंडमधील जमदेशपूर आणि बोकारो येथेही करण्‍यात आले.
तेनाली (आंध्रप्रदेश) येथे वेदांतशास्त्र महापरीक्षेत यश संपादन करणारे श्री. दत्तानुभव (राघव) गुलाब टेंग्से यांचे पैंगीणग्रामी स्वागत !
गोवा पोलिसांकडून मानवी तस्करीचे आंतरराष्ट्रीय जाळे उद्ध्वस्त
अजित पवार यांनाही आम्ही भगवे करू ! – देवेंद्र फडणवीस, उपमुख्यमंत्री भाजप
‘गोवा कर्मचारी भरती आयोगा’च्या माध्यमातून २ सहस्र सरकारी पदांची भरती होणार ! – मुख्यमंत्री डॉ. प्रमोद सावंत
पंडित धीरेंद्रकृष्ण शास्त्रीजी महाराज यांच्‍या कथा कार्यक्रमाचा भूमीपूजन सोहळा पार पडला !
पुणे येथील श्री पाताळेश्वर मंदिरात त्रिपुरारी पौर्णिमेचा सोहळा पार पडला !