महाराष्ट्रात ‘ऑनलाईन गेमिंग’द्वारे चालणार्‍या जुगारावर बंदी घालावी ! – आमदार प्रतिभा धानोरकर, काँग्रेस

मुंबई – महाराष्ट्रातील जुगारबंदी कायद्याला बगल देऊन ‘ऑनलाईन ॲप’द्वारे  उघडपणे जुगार चालू आहेत. यामध्ये अधिकोषातून पैसे ‘ऑनलाईन’ अन्य खात्यांमध्ये वळवले जात आहेत. या जुगारामुळे तरुण व्यसनाधीन होत असून चंद्रपूर येथील एका युवकाने ‘ऑनलाईन’ जुगारामुळे आत्महत्या केली आहे. ‘ऑनलाईन’ जुगाराचे अनेक अपप्रकार देशात चालू आहेत. केवळ महसुलासाठी या जुगाराला मान्यता देणे तरुणांसाठी धोकादायक आहे. तामिळनाडू राज्याने ज्याप्रमाणे ‘ऑनलाईन गेमिंग’वर बंदी घातली आहे, त्याप्रमाणे महाराष्ट्रातही बंदी घालण्यात यावी, अशी मागणी काँग्रेसच्या आमदार श्रीमती प्रतिभा धानोरकर यांनी २७ जुलै या दिवशी विधानसभेत औचित्याच्या सूत्राच्या अंतर्गत केली.