ऑस्ट्रेलियातील गुरुद्वाराच्या बाहेर खलिस्तानच्या मागणीसाठी सार्वमत घेण्याविषयी भित्तीपत्रके चिकटवली !

ऑस्ट्रेलिया सरकारकडून दुर्लक्ष !

मेलबर्न – व्हिक्टोरिया येथील प्लमटन गुरुद्वाराच्या बाहेर स्वतंत्र खलिस्तानच्या मागणीसाठी सार्वमत घेण्याविषयी भित्तीपत्रके लावण्यात आली आहेत. या भित्तीपत्रकांवर भारताच्या दिवंगत पंतप्रधान इंदिरा गांधी यांचे मारेकरी बेयंत सिंह आणि सतवंत सिंह यांची छायाचित्रे छापण्यात आली आहेत. त्यांना ‘हुतात्मा’ असे संबोधण्यात आले आहे. या भित्तीपत्रकांवर ‘शेवटी लढाई ! खलिस्तानसाठी सार्वमत : मतदान २९ जानेवारी: मेलबर्न’ असे छापण्यात आले आहे. (स्वतंत्र खलिस्तानसाठी ऑस्ट्रेलियात सार्वमत घेऊन तेथे भारतविरोधी वातावरण निर्माण करण्याचा खलिस्तानवाद्यांचा डाव आहे, हे जाणा !  – संपादक)

Australia: Posters of PM Indira Gandhi’s killers spotted outside Plumpton Gurudwara, had earlier propagated Khalistani agendahttps://t.co/fHXwTmdN9a

— OpIndia.com (@OpIndia_com) January 4, 2023

१. खलिस्तानच्या मागणीसाठी सार्वमत घेण्याविषयी मागील वर्षी ऑस्ट्रेलियातील काही शहरांमध्ये मोर्चे काढण्यात आले होते. खलिस्तानी आतंकवादी संघटना ‘सिख फॉर जस्टीस’ने हे सार्वमत घेण्याचे आयोजन केले आहे.

२. ‘भारत सरकारने यापूर्वीही ऑस्ट्रेलिया सरकारला तेथील वाढत्या खलिस्तानी कारवायांविषयी सतर्क केले होते. ऑस्ट्रेलिया सरकारने ते मनावर घेतले असते, तर अशी भित्तीपत्रके लागली नसती’, अशी टीका भारतियांनी केली आहे.