गोव्यात गेल्या २४ घंट्यांत ४४ कोरोनाबाधितांचा मृत्यू, तर १ सहस्र ५८२ नवीन रुग्ण

पणजी – गोव्यात दळणवळण बंदीनंतर दिवसेंदिवस कोरोनाबाधित रुग्ण आढळण्याच्या प्रमाणात घट होत असल्याचे निदर्शनास येत आहे. २० मे या दिवशी ४४ रुग्णांचा मृत्यू झाला. यांपैकी गोमेकॉमधील २२, तर दक्षिण गोवा जिल्हा रुग्णालयातील १२ रुग्णांचा मृत्यू झाला. यामुळे कोरोनामृतांची संख्या २ सहस्र २७२ झाली आहे. दिवसभरात कोरोनाशी संबंधित ४ सहस्र ५८१ चाचण्या करण्यात आल्या. यामध्ये १ सहस्र ५८२ नवीन रुग्ण आढळले आहेत. चाचण्यांच्या तुलनेत कोरोनाबाधित रुग्ण आढळण्याचे प्रमाण ३४.५३ टक्के झाले आहे. दिवसभरात २ सहस्र ६९४ रुग्ण कोरोनापासून बरे झाले, तर कोरोनाबाधित १८९ रुग्णांना रुग्णालयातून घरी पाठवण्यात आले. यामुळे राज्यात प्रत्यक्ष उपचार घेत असलेल्या कोरोनाबाधितांची संख्या घटून २० सहस्र ८०८ झाली आहे.