Pakistan Fighter Jet Fuel Tank Drop : पाकिस्तानने चीनकडून घेतलेले लढाऊ विमान उडत असतांना खाली पडली इंधनाची टाकी !

लाहोर (पाकिस्तान) – पाकिस्तानच्या वायूदलाचे विमान उड्डाण करत असतांना  विमानाची इंधन टाकी आकाशातून भूमीवर पडली. ही घटना पाकच्या पंजाब प्रांतातील सरगोधा येथे घडली. येथे पाकच्या वायूदलाचे तळ आहे. विमानाच्या इंधनाची टाकी पडल्यामुळे अनेक गुरे घायाळ झाल्याचा दावा स्थानिकांनी केला आहे. पाकिस्तानी वायूदलाने हे लढाऊ विमान चीनकडून घेतले होते. चीनने हे विमान अत्यंत शक्तीशाली लढाऊ विमान असल्याचा दावा करत पाकला विकले होते.

🚨 Pakistani Fighter Jet’s Fuel Tank Falls Near Airbase! ✈️

🔹 China’s poor-quality exports have been exposed time and again! ❌

🔹 Nepal had to scrap Chinese aircraft, and Pakistan is heading in the same direction!

🔹 This incident raises serious doubts about China’s… pic.twitter.com/EMsNEQspf9

— Sanatan Prabhat (@SanatanPrabhat) March 4, 2025

१. यापूर्वी एप्रिल २०२३ मध्ये रावळपिंडीतील डोंगराळ भागात पाकिस्तानी वायूदलाच्या लढाऊ विमानाची इंधन टाकी पडली होती. वर्ष १९९७ मध्येही कराचीतील एका निवासी भागात विमानाच्या इंधनाची टाकी कोसळून ६ जणांचा मृत्यू झाला होता. पाकिस्तानी वायूदलाच्या विमानांच्या तांत्रिक व्यवस्थेविषयी यापूर्वीही प्रश्न उपस्थित करण्यात आले आहेत.

२. चीन त्याचे सर्वांत आधुनिक लढाऊ विमान ‘जे-३५’ पाकिस्तानला देणार आहे; परंतु आता एका विमानाची इंधन टाकी पडल्यामुळे पाकिस्तान पुन्हा चीनच्या विमानावर विश्वास ठेवणार का ?, हा प्रश्न आहे.