TN Minister Ponmudy’s Derogatory Speech : मद्रास उच्च न्यायालयाने तमिळनाडूच्या मंत्र्यांविरुद्ध स्वत:हून चालू केली कारवाई !

संपादकीय भूमिका

डोक्यात अश्लीलता भरलेल्या उच्च शिक्षणमंत्र्यांच्या राजवटीत शिक्षण क्षेत्रात कशा मानसिकतेची मुले निपजतील, हे वेगळे सांगायला नको ! अशांना निवडून देणार्‍या जनतेला हे लज्जास्पद !

आदेश देऊनही मंत्र्यांविरुद्ध कारवाई न करणार्‍या पोलिसांवर उच्च न्यायालयाकडून ताशेरे !

आदेश देऊनही उच्चशिक्षण मंत्री पोनमुडी यांच्याविरुद्ध कोणतीही कारवाई न केल्याविषयी उच्च न्यायालयाने राज्य पोलिसांवर ताशेरे ओढले. द्वेषयुक्त भाषणाला शून्य सहिष्णुता असेल असेही न्यायालयाने अधोरेखित केले. मद्रास उच्च न्यायालयाने १७ एप्रिल २०२५ या दिवशी मंत्री पोनमुडी यांच्या विरोधात गुन्हा नोंदवण्याचे निर्देश सरकारला दिले होते. न्यायमूर्ती व्यंकटेश यांनी पोलिसांच्या निष्क्रीयतेवर अप्रसन्नता व्यक्त करत न्यायालयाच्या आदेशाचे पालन न केल्यास कारवाई केली जाईल, अशी चेतावणी दिली होती. तरीही पोलीस निष्क्रीय राहिले. सततची निष्क्रीयता सर्वात त्रासदायक असते, असे न्यायालयाने म्हटले आहे.

संपादकीय भूमिका

न्यायालयालाही न जुमानणार्‍या पोलिसांचा उन्मत्तपणा जाणा ! असे दायित्वनशून्य पोलीस जनतेचे काय रक्षण करणार ! न्यायालयालाच कारवाई करावी लागत असेल, तर असे पोलीस दल हवे कशाला ?