पिंपरी (पुणे) येथे जलवाहिनीच्या दुरुस्तीचे खोदकाम करतांना ३ निकामी बाँबशेल सापडले !

पिंपरी (पुणे) – पोलीस आयुक्तालयाजवळ जलवाहिनी दुरुस्तीसाठी खोदकाम चालू असतांना ३ बाँबशेल आढळून आले. बाँबशोधक-नाशक पथकाने त्या बाँबशेलची पडताळणी केली असता ते निकामी असल्याचे स्पष्ट झाले आहे. ३० ऑक्टोबर या दिवशी चिंचवडमधील ‘प्रेमलोक पार्क’ येथील नाल्याजवळ हा प्रकार उघडकीस आला. चिंचवड येथील पोलीस आयुक्तालयाजवळ असणार्‍या ‘प्रेमलोक पार्क’ येथील नाल्याजवळ महापालिकेकडून जलवाहिनी दुरुस्तीचे काम चालू होते. खोदकाम करतांना दुपारी  ३ बाँबसदृश वस्तू सापडल्या. कर्मचार्‍यांनी त्वरित वरिष्ठांना माहिती दिली. त्यानंतर पोलिसांचे बाँबशोधक पथक आणि श्वानपथक आले. पडताळणीअंती ते निकामी असल्याचे निदर्शनास आले.