Firhad Hakim : जे इस्लाममध्ये जन्मलेले नाहीत, ते दुर्दैवी असून त्यांना मुसलमान बनवून अल्लाला खुश करा ! – बंगालमधील मंत्री फिरहाद हकीम

बंगालमधील तृणमूल काँग्रेसच्या सरकारमधील मंत्री फिरहाद हकीम यांचे मुसलमानांना आवाहन

कोलकाता (बंगाल) – जे इस्लाममध्ये जन्मलेले नाहीत, ते दुर्दैवी आहेत. जर आपण त्यांना ‘दावत’ (इस्लाम स्वीकारण्याचे आमंत्रण) देऊ शकलो आणि त्यांच्यात ‘इमान’ (इस्लामची भक्ती) आणू शकलो, तर आपण अल्लाला संतुष्ट करू शकू, असे विधान कोलकाता शहराचे महापौर तथा तृणमूल काँग्रेस सरकारमधील मंत्री फिरहाद हकीम यांनी ३ जुलै या दिवशी केले. या विधानावरून वाद निर्माण झाला आहे. हकीम कोलकाता येथील धोनो धोन्यो स्टेडियमवर ‘ऑल इंडिया कुराण स्पर्धे’च्या कार्यक्रमात बोलत होते.

Those who are not born in I$l@m are unfortunate and should become Mu$l!ms to please Allah!
– Appeal to Mu$l!ms by Firhad Hakim, #Kolkata Mayor and Minister in the #TrinamoolCongress government in #Bengal

TMC ministers make such statements directly, and their party chief, Chief… pic.twitter.com/b9kggndO0j

— Sanatan Prabhat (@SanatanPrabhat) July 7, 2024

फिरहाद हकीम पुढे म्हणाले की,

१. जर आपण एखाद्याला इस्लामच्या मार्गावर आणू शकलो, तर इस्लामचा प्रसार करून आपण खरे मुसलमान असल्याचे सिद्ध होईल.

२. जेव्हा सहस्रो लोक डोक्यावर गोल टोप्या घालून बसतात, तेव्हा ते सर्वांना आपले दिसते. ही आपली एकता दर्शवते आणि हेदेखील स्पष्ट करते की, आपल्याला कुणीही दाबू शकत नाही.

३. आपण इस्लाममध्ये जन्मलो आहोत, त्यामुळे पैगंबर आणि अल्ला यांनी आपल्यासाठी स्वर्गाचा मार्ग मोकळा केला आहे. जर आपण कोणतेही पाप केले नाही, तर आपण थेट स्वर्गात जाऊ.