सांगली – विश्रामबाग येथील स्‍वातंत्र्यवीर सावरकर प्रतिष्‍ठान प्रशाला आणि ‘शोतोकॉन कराटे-दो फेडरेशन ऑफ महाराष्‍ट्र’ या संस्‍थेच्‍या वतीने १ ते ११ मे असे १० दिवस उन्‍हाळी व्‍यक्‍तिमत्त्व शिबिराचे आयोजन करण्‍यात आले आहे. हे शिबिर प्रतिदिन सकाळी ८ ते दुपारी १२ या वेळेत पार पडेल.
या शिबिरामध्‍ये कराटे, बॉक्‍सिंग, लाठी-काठी, स्‍केटिंग, घोडेस्‍वारी, पोहणे अशा विविध खेळांचे प्रशिक्षण दिले जाणार आहे. खेळाडूंना प्रतिदिन अल्‍पाहार आणि भोजन दिले जाईल. या शिबिरामध्‍ये ५ ते १५ वर्षे वयोगटातील विद्यार्थी-विद्यार्थिनी सहभागी होऊ शकतात. हे शिबिर संस्‍थेचे अध्‍यक्ष मधुकर पगडे आणि सुनीता पगडे यांच्‍या मार्गदर्शनाखाली होणार आहे. तरी याचा अधिकाधिक विद्यार्थ्‍यांनी लाभ घ्‍यावा, असे आवाहन प्रज्ञा प्रबोधिनीचे मुख्‍याध्‍यापक सुबोध कुलकर्णी, अभिनव शाळेचे मुख्‍याध्‍यापक महादेव कुंभार, स्‍वातंत्र्यवीर सावरकर प्रतिष्‍ठान प्रशालेचे अध्‍यक्ष विजयकुमार नामजोशी यांनी केले आहे.
विवाह ठरवून तो मोडणार्या वरासह कुटुंबियांवर गुन्हा नोंद ! 
श्री तुळजाभवानीदेवीच्या मंचकी निद्रेस आजपासून प्रारंभ होणार !
सामूहिक महाआरतीमध्ये तरुणांचा उत्स्फूर्त सहभाग !
पुणे येथे कृत्रिम पाणीटंचाई निर्माण करून टँकरने पाणीपुरवठा करण्याच्या घटनांत वाढ !
पुणे शहराची मानहानी !
जयसिंगपूर (जिल्हा कोल्हापूर) येथे सामूहिक आरती, बालसंस्कारवर्ग आणि आध्यात्मिक ग्रंथालय यांना प्रारंभ !