‘नुकतेच, म्हणजे २८.११.२०२२ या दिवशी रामनाथी आश्रमात श्री. अतुल बधाले आणि चि.सौ.कां. पूजा नलावडे यांचा शुभविवाह पार पडला. मागील ६ – ७ वर्षांपासून बधाले कुटुंब रामनाथी आश्रमात राहून पूर्णवेळ साधना करत आहे.
विवाहाच्या निमित्ताने माझी श्री. अतुल बधाले यांची आई श्रीमती संध्या बधाले यांच्याशी भेट झाली. विवाहाच्या सिद्धतेविषयी बोलतांना विवाहानंतर देवदर्शनाला जाण्याचा विषय निघाला. त्या वेळी श्रीमती संध्या बधाले उत्स्फूर्तपणे म्हणाल्या, ‘‘रामनाथी आश्रम म्हणजे वैकुंठच आहे. या वैकुंठाला प्रदक्षिणा घातल्या, तरी आम्हाला सर्व देवतांचे (सूक्ष्मातून) दर्शन होईल !’’ त्यामुळे ‘देवदर्शनाला वेगळे आणि बाहेरगावी जाण्याची आवश्यकता नाही’, असे त्यांना वाटत होते. यातून ‘श्रीमती बधाले यांचा रामनाथी आश्रमाप्रती किती उत्कट भाव आहे’, हे माझ्या लक्षात आले.
परात्पर गुरु डॉक्टरांनी निर्मिलेली आणि त्यांच्या चैतन्यमय अस्तित्वाने परम पवित्र बनलेली रामनाथी आश्रमाची वास्तू खरोखरंच एक दिव्य अन् आनंददायी भूमी बनली आहे. प.पू. भक्तराज महाराज यांनी म्हटल्याप्रमाणे ‘सर्वही तीर्थे घडली देवा । सद्गुरुचरणासी ।।’ हे त्रिवार सत्य असून सर्व साधकांनी श्रीमती बधाले यांच्याप्रमाणे भाव ठेवल्यास त्यांनाही आश्रमाचा आणि येथील चैतन्याचा साधनेसाठी लाभ करून घेता येईल.’
– श्रीसत्‌शक्ति (सौ.) बिंदा नीलेश सिंगबाळ, सनातन आश्रम, रामनाथी, गोवा. (७.१२.२०२२)
|
खरे सुख (आनंद) देणारे सद्गुरु !
सद्गुरूंनी कूर्मदृष्टीने शिष्याची जोपासना करणे
कृपा आणि भक्त
जन्म-मरणातून सोडवते तीच खरी विद्या !
मंत्रामुळे (नामजपामुळे) स्वतःभोवती एक सुरक्षा कवच सिद्ध होते !
सनातनचे पहिले बालसंत पू. भार्गवराम भरत प्रभु (वय ७ वर्षे) यांना बालवयातच यज्ञाविषयी असलेली जाण आणि त्यांनी त्याचे श्रेय संतांना देणे