‘२३.६.२०२४ या दिवशी रामनाथी (गोवा) येथील सनातनच्‍या आश्रमात वैश्‍विक हिंदु राष्‍ट्र महोत्‍सवाच्‍या निमित्ताने महर्षींच्‍या आज्ञेने श्रीसत्शक्ति (सौ.) बिंदा नीलेश सिंगबाळ यांच्या हस्‍ते ध्‍वजपूजन झाले. त्या वेळी मला जाणवलेली सूत्रे आणि आलेल्या अनुभूती येथे दिल्‍या आहेत.
१. ध्‍वजपूजन होण्‍यापूर्वी माझ्‍या मनात अनेक विचार येत होते; मात्र मी ध्‍वजपूजनाच्‍या ठिकाणी जाताच माझे मन स्‍थिर आणि शांत झाले. मी निर्विचार स्‍थिती अनुभवत होते. ‘मला एवढ्या सात्त्विक वातावरणात उपस्‍थित रहाण्‍याची संधी मिळाली’, या विचारानेच मला गुरुदेवांप्रती (परात्‍पर गुरु डॉ. आठवले यांच्‍याप्रती) कृतज्ञता वाटत होती आणि माझा भाव जागृत होत होता.
२. श्रीसत्शक्ति (सौ.) बिंदा नीलेश सिंगबाळ ध्‍वज जसा हळूहळू वर खेचू लागल्‍या, तसतसे गुरुदेवांचे प्रकाशमय तत्त्व (त्‍यांचे चरण) मला विराट रूपात दिसले. तेव्‍हा संपूर्ण ब्रह्मांडात प्रकाश पसरत होता.
३. ‘माझ्‍या हृदयमंदिरात आणि बाहेरही सर्वत्र केवळ गुरुदेवच आहेत’, असे मला अनुभवायला आले आणि माझी भावजागृती झाली.
‘हे गुरुदेवा, मी आपल्‍यामधील चैतन्‍याचे दिव्‍य क्षण अनुभवू शकले’, त्‍याबद्दल आपल्‍या कोमल श्रीचरणी कोटीशः कृतज्ञता !’
– सौ. वैदेही विवेक पेठकर, ग्‍वाल्‍हेर, मध्‍यप्रदेश. (२८.८.२०२४ )
|
जीवनाचा उद्देश
योगतज्ञ प.पू. दादाजी वैशंपायन यांची अनमोल शिकवण
रामनाथी, गोवा येथील सनातनच्‍या आश्रमात आल्यावर साधकाला आलेल्या अनुभूती
मुंबई सेवाकेंद्रात परात्‍पर गुरु डॉ. आठवले यांच्या समवेत सेवा करतांना लक्षात आलेली त्यांची सर्वज्ञता !
सच्चिदानंद परब्रह्म डॉक्टरांशी स्थूल रूपातून एकरूप होत असल्याविषयी येत असलेल्या अनुभूती
कु. प्रल्हाद गाडी (वय ८ वर्षे) याला सच्चिदानंद परब्रह्म डॉ. आठवले यांच्यामधील चैतन्याची आलेली प्रचीती !