सरकारी शाळांत होणार्‍या धर्मांतराविषयी दिशानिर्देश सिद्ध का केले नाहीत ?

ख्रिस्ती मिशनर्‍यांना राज्य सरकारचे समर्थन ! – याचिकाकर्ता

या याचिकेत अधिवक्ता बी. जगन्नाथ यांनी म्हटले की, ख्रिस्ती मिशनर्‍यांना राज्य सरकारचे समर्थन असून ते शिक्षण संस्थांमध्ये हिंदु मुलींना लक्ष्य करतात. ते हिंदु विद्यार्थ्यांना अपमानित करतात. त्यांना शिवीगाळही केली जाते. धर्माच्या आधारे भेदभाव केला जातो, तसेच हिंदु मुलींनी धर्मांतर न केल्यास त्यांचा छळ केला जातो. तंजावरमधील विद्यार्थिनी लावण्या हिचा याच कारणामुळेे छळ करण्यात आल्याने तिने आत्महत्या केली होती. न्यायालयाने या घटनेच्या सीबीआय चौकशीचा आदेश दिला आहे. कन्याकुमारी येथे सरकारी शाळेमध्ये धर्मांतर करण्यास नकार देणार्‍या विद्यार्थ्याचा छळ करण्यात आला होता. त्यामुळे न्यायालयाने धर्मांतराविषयी हस्तक्षेप करणे आवश्यक आहे.

तमिळनाडू सरकारने या याचिकेला विरोध करतांना म्हटले की, ही याचिका कोणत्याही तथ्यांविना प्रविष्ट करण्यात आली असल्याने तिचा विचार केला जाऊ नये.

संपादकीय भूमिका

• शाळेत श्रीमद्भगवद्गीता शिकवण्यास कडाडून विरोध करणारी पुरोगामी टोळी तमिळनाडूच्या शाळांत करण्यात येणार्‍या हिंदूंच्या धर्मांतराविषयी काहीही बोलत नाही, हे लक्षात घ्या !

• तमिळनाडूतील द्रमुक सरकार हिंदूविरोधी असल्याने ते न्यायालयाला कितपत सत्य माहिती देईल, याविषयी शंकाच आहे. त्यामुळे आता केंद्र सरकारनेच या सर्वांची चौकशी करून सत्य जनतेसमोर आणले पाहिजे !