नशिबाचा फेरा कोण जाणतो ।

मानवा, सूर्य उगवतो
अन् मावळतो ।
हे तू नित्य पहातो ।
नशिबाचे वारे उलटे फिरता,
तू हे कधी पहातो ।। १ ।।

एक राजा डोेंबाघरी
पाणी भरतो ।
एक राजपुत्र चौदा वर्षे
वनवास भोगतो ।
नशिबाचा फेरा कोण जाणतो ।। २ ।।

पाच पांडव राजपुत्र ।
नशिबाचे वारे फिरता, झाले ते भूमीपुत्र ।
असा खेळ कोण जाणतो ।। ३ ।।

ऊन-पावसाचा खेळ निराळा ।
कधी उन्हाळा, कधी पावसाळा ।
सर्व संकटांमध्ये मात्र तरून जातो ।
असा हा खेळ कोण करतो ।। ४ ।।

संसारामध्ये चढ-उतार येतच असतात ।
ईश्वराचे नाम घेत, जो मार्ग काढतो ।
तो ईश्वरभक्त होतो, हे तू कधी जाणतो ।। ५ ।।

– श्री. सुधाकर के. जोशी (वय ९२ वर्षे), सनातन आश्रम, देवद, पनवेल.(५.५.२०२०)