प्रतिकूल परिस्थितीत देवाची कृपाच आपणास तारून नेऊ शकते, नामस्मरणाने मनोबल वाढते ! – सद्गुरु (कु.) स्वाती खाडये

हिंदूसंघटन आणि धर्माधिष्ठित हिंदु राष्ट्राची स्थापना यांसाठी  हिंदु जनजागृती समिती

हिंदु जनजागृती समितीच्या वतीने ‘कोरोना महामारीच्या काळात मनाची स्थिती स्थिर कशी ठेवावी?’, या विषयावर ‘ऑनलाईन’ सत्संग

पणजी – कितीही प्रतिकूल परिस्थिती असली, तरी त्यातून देवाची कृपाच आपणास तारून नेऊ शकते. देवाची कृपा संपादन करण्यासाठी त्याचे नामस्मरण करणे, हा सर्वोत्तम उपाय आहे. विशिष्ट पद्धतीने केलेला नामजप आपणास कोरोना महामारीच्या काळात आपले मनोबल वाढवू शकतो; मात्र या नामजपात सातत्य असणे आवश्यक आहे. याचसमवेत मन स्थिर ठेवण्यासाठी स्वभावदोष आणि अहं निर्मूलन प्रक्रिया राबवल्यास त्याचा मोठ्या प्रमाणावर लाभ होऊ शकतो. स्वभावदोष निर्मूलन प्रक्रियेअंतर्गत मनाला स्वयंसूचना दिल्याने मन स्थिर रहाण्यास साहाय्य होते, असे आवाहन सनातन संस्थेच्या धर्मप्रचारक सद्गुरु (कु.) स्वाती खाडये यांनी केले. हिंदु जनजागृती समितीच्या वतीने ‘कोरोना महामारीच्या काळात मनाची स्थिती स्थिर कशी ठेवावी ?’, या विषयावर गोव्यातील धर्मप्रेमींसाठी आयोजित ‘ऑनलाईन’ सत्संगात त्या मार्गदर्शन करत होत्या. या कार्यक्रमाचा उद्देश हिंदु जनजागृती समितीच्या सौ. वेदिका पालन यांनी स्पष्ट केला. या ‘ऑनलाईन’ सत्संगाचा ३७० हून अधिक जिज्ञासूंनी लाभ घेतला.

सद्गुरु (कु.) स्वाती खाड्ये यांनी मार्गदर्शनात पुढे हिंदु धर्मावर विविध माध्यमांतून होणार्‍या आघातांविषयी माहिती देण्यात आली. तसेच हिंदूंनी हे आघात सनदशीर मार्गाने रोखण्यासाठी संघटितपणे प्रयत्न करण्याचे आवाहन त्यांनी केले.