मशिदीच्या भिंतीवर ‘जय श्रीराम’ लिहून धार्मिक तणाव निर्माण करणार्‍या दोघा धर्मांधांना अटक

भैसा (तेलंगाणा) – येथे काही दिवसांपूर्वी एका मशिदीच्या भिंतीवर ‘जय श्रीराम’ असे लिहिल्यामुळे तणाव निर्माण झाला होता. पोलिसांनी केलेल्या अन्वेषणातून २ धर्मांध मुलांनीच ते लिहिल्याचे उघडकीस आले आहे. पोलिसांना येथील सीसीटीव्ही फुटेजमधून ही माहिती मिळाली.
भैंसा येथील पोलीस अधिकारी किरण खरे यांनी सांगितले की, मशिदीच्या भिंतीवर महंमद अब्दुल कैफ आणि एक अल्पवयीन मुलगा यांनी ‘जय श्रीराम’ लिहिले होते. या दोघांना अटक करण्यात आली आहे. महंमद कैफ हा २० वर्षांचा असून त्याचा दुसरा साथीदार हा १४ वर्षांचा आहे. दोघेही मशिदी जवळच रहातात.