गुरुदेवा तव चरणांशी आता मज एकरूप करवूनी घ्यावे ॥

२१.१.२०२१ या दिवशी झालेला श्रीसत्‌शक्ति सौ. बिंदाताई यांच्या दैवी वाणीतील भावसत्संग ऐकल्यानंतर ६७ टक्के आध्यात्मिक पातळी असलेली कु. प्रार्थना महेश पाठक हिला पुढील कविता सुचली.

सूर्य, चंद्र, ग्रह, नक्षत्र, तारे ।
सारे ब्रह्मांडही गुरुदेवा तुमच्या चरणांशी ॥
घ्या इवल्याशा जिवा आता तव चरणांपाशी ॥ १ ॥

तव चरणांचीच लागू द्या आस ।
तव चरणांचाच लागू द्या ध्यास ॥
बनायचे आहे मला केवळ ।
तुमच्या चरणांचाच दास ॥ २ ॥

तव चरणांचे कधी न हो विस्मरण ।
सतत राहो गुरुचरण स्मरण ।
अखंड घडो मज सहवास गुरुचरणांचा ।
बनूनी तव चरणांचा धूलिकण ॥ ३ ॥

तव चरणांवर लीन होऊनी । भक्तीरसात दंग होऊनी ।
अस्तित्वही गुरुदेवा विसरूनी जावे ।
गुरुदेवा तव चरणांशी आता
मज एकरूप करवूनी घ्यावे ॥ ४ ॥

– गुरुदेवांच्या चरणांवरील आनंदी फूल,

कु. प्रार्थना महेश पाठक, सनातन आश्रम, रामनाथी, गोवा. (२१.१.२०२१)