सनातन प्रभात > Post Type > बातम्या > आंतरराष्ट्रीय बातम्या > Sri Lanka Cancels Naval Drill With Pakistan : भारताच्या आक्षेपानंतर श्रीलंकेकडून पाकिस्तानसमवेतचा संयुक्त नौदल सराव रहित !

Sri Lanka Cancels Naval Drill With Pakistan : भारताच्या आक्षेपानंतर श्रीलंकेकडून पाकिस्तानसमवेतचा संयुक्त नौदल सराव रहित !

कोलंबो (श्रीलंका) – श्रीलंकेने त्याच्या त्रिंकोमाली बंदराजवळ पाकिस्तानच्या नौदलासमवेत होणारा सराव भारताच्या आक्षेपानंतर रहित केला. या सरावाची माहिती मिळाल्यानंतर भारताने कोलंबोतील उच्चायुक्तालयाच्या माध्यमातून श्रीलंका सरकारशी बोलून हा सराव रहित करण्यास सांगितले. भारतीय अधिकार्‍यांनी या संपूर्ण प्रकरणावर कोणतीही प्रतिक्रिया व्यक्त केलेली नाही.

१. त्रिंकोमाली बंदराजवळ भारताच्या साहाय्याने ऊर्जा केंद्र बांधले जात आहे. या पार्श्वभूमीवर पाकिस्तानच्या नौदलाच्या या बंदराजवळ सरावावर भारताचा आक्षेप होता. त्यानंतर पाकिस्तानचा सराव रहित करण्याला विरोध असूनही श्रीलंकेने भारताच्या दबावामुळे हा सराव रहित करण्याचा निर्णय घेतला.

२. श्रीलंकेने परदेशी संशोधन नौकांच्या आगमनावर वर्षभरासाठी बंदी घातली आहे. चीनच्या हेरगिरी करणार्‍या नौकांमुळे ही बंदी घालण्यात आली होती.

संपादकीय भूमिका  

  • मुळात भारत आणि पाक यांच्यातील शत्रूत्व ठाऊक असतांना श्रीलंकेने पाकसमवेत सराव करण्याचा विचारच तरी कसा केला ? श्रीलंकेने भारताच्या नौदलासमवेत सराव करण्याचा विचार का केला नाही ?, हा प्रश्न आहे.
  • यापूर्वी श्रीलंकेने चीनच्या हेरगिरी नौकांना तिच्या बंदरावर येण्यास अनुमती देऊन भारताला दुखावले आहेच. यातून श्रीलंकेला भारताकडून लाभ हवा असतांनाच दुसरीकडे भारतविरोधी कृत्येही करायची आहेत, हे लक्षात येते !

नूतन लेख