‘ह्युंदाई’ आणि ‘किआ’ या दक्षिण कोरियातील चारचाकी वाहन निर्मिती आस्थापनांच्या पाकिस्तानमधील फेसबूक आणि ट्विटर खात्यांवरून पाकिस्तानच्या बाजूने काश्मीरमधील फुटीरतावाद्यांच्या कथित स्वातंत्र्य आंदोलनाचे समर्थन केले.

उत्तरप्रदेशमध्ये विधानसभा निवडणुकीच्या पहिल्या टप्प्यामध्ये समाजवादी पक्षाने ७५ टक्के, राष्ट्रीय लोकदलाने ५९, भाजपने ५१, काँग्रेसने ३६, बसपने ३४, तर ‘आप’ने १५ टक्के गुन्हे नोंद असणार्‍यांना उमेदवारी दिली आहे.

मी हिंदु असल्याने मुख्यमंत्रीपदाच्या उमेदवाराच्या स्पर्धेतून बाहेर फेकलो गेलो, असे विधान पंजाबमधील काँग्रेसचे नेते सुनील जाखड यांनी केले आहे. पंजाब शीखबहुल राज्य आहे. काँग्रेसकडून मुख्यमंत्रीपदाचा उमेदवार म्हणून लवकरच नाव घोषित करण्यात येणार आहे.

पाकिस्तानच्या डहारकी शहरापासून २ किलोमीटर अंतरावर सुतान लाल देवान या हिंदु व्यापार्‍याची अज्ञातांनी गोळ्या झाडून हत्या केली. सुतान यांना ‘जिवंत रहायचे असेल, तर भारतात निघून जा’ अशा धमक्या दिल्या जात होत्या.

बेंगळुरू (कर्नाटक) येथील रेल्वे स्थानकाच्या फलाट क्रमांक ५ मध्ये हमालांच्या विश्रांती कक्षाला प्रार्थनास्थळ बनवण्यात आल्याचे उघडकीस आले आहे. याला हिंदुत्वनिष्ठ संघटनांनी विरोध केला आहे.