गोमाता रक्षणासाठी २७ जुलैला देशव्यापी ‘गो सन्मान’ अभियान !

पुणे – गोमातेच्या संरक्षण आणि सन्मान यांसाठी २७ जुलै २०२६ या दिवशी ‘गो सन्मान आवाहन अभियाना’चा दुसरा टप्पा राबवण्यात येणार आहे. या दिवशी जिल्हाधिकार्‍यांच्या वतीने राष्ट्रपती आणि पंतप्रधान यांना कोट्यवधी स्वाक्षर्‍यांच्या याचिका सादर केल्या जातील. गोहत्या बंदीसाठी केंद्रीय कायदा, गोमातेला ‘राष्ट्रमाता’ दर्जा आणि स्वतंत्र ‘गो-मंत्रालया’ची स्थापना अशा ३० हून अधिक मागण्या सरकारसमोर मांडल्या जातील. पुणे येथे सकाळी ७.३० वाजता श्री सिद्धेश्वर मंदिर, मंगळवार पेठ, कमला नेहरू हॉस्पिटल येथून भव्य ‘प्रार्थना यात्रा’ निघेल. यात गोभक्तांनी पारंपरिक वेशभूषेत मोठ्या संख्येने सहभागी व्हावे, असे आवाहन आयोजकांच्या वतीने करण्यात आले आहे.