पणजी महानगरपालिकेने कारवाई करतांना ‘पार्किंग निषिद्ध’ असलेल्या विभागात उभी केलेली अनेक दुचाकी वाहने कह्यात घेतली आहेत, तसेच चारचाकी वाहनांना ‘क्लॅम्प’ लावण्यात आले आहेत.

जुने गोवे येथे ३ डिसेंबर या दिवशी होणार्‍या फेस्ताच्या निमित्ताने सामूहिक प्रार्थना (नोव्हेना) ‘ऑनलाईन’ स्वरूपात करण्यात येणार असल्याचे घोषित झाले आहे. याप्रसंगी जुने गोवे येथील बासिलिका बॉम जिझस या मुख्य चर्चमध्ये निवडक निमंत्रित ‘व्ही.आय.पीं.’साठी (अतीमहत्त्वाच्या व्यक्तींसाठी) प्रार्थनेचे (फिस्ट मास) आयोजन करण्यात आले आहे.

गोवा शासन डिसेंबर मासापासून मोठ्या प्रमाणावर नोकरभरती करणार आहे. शासनाच्या विविध खात्यांमधील सुमारे १० सहस्रांहून अधिक रिक्त पदे भरली जाणार आहेत, अशी माहिती मुख्यमंत्री डॉ. प्रमोद सावंत यांनी दिली.