क्रूरकर्मा औरंग्याची कबर उखडून टाका ! – विश्व हिंदु परिषद बजरंग दलाची मागणी

पिंपरीमध्ये (पुणे) निषेधात्मक आंदोलन !

पिंपरी-चिंचवड (जिल्हा पुणे) – शिवप्रभूंच्या जयंतीनिमित्त आणि धर्मवीर छत्रपती संभाजी महाराजांच्या बलीदानमासाचे औचित्य साधत १७ मार्चला छत्रपती संभाजीनगर येथे असलेली क्रूरकर्मा औरंग्याची कबर उखडून टाकण्याची शपथच विश्व हिंदु परिषद बजरंग दलाच्या कार्यकर्त्यांनी पिंपरी येथील डॉ. बाबासाहेब आंबेडकर स्मारकाजवळ घेतली. यापुढे जोपर्यंत ही कबर उखडली जात नाही, तोपर्यंत हा लढा असाच चालू रहाणार असल्याचे विश्व हिंदु परिषद बजरंग दल कार्यकर्त्यांनी सांगितले. निषेध नोंदवून झाल्यावर तहसीलदारांना निवेदन देण्यात आले.

या प्रसंगी पश्चिम महाराष्ट्र प्रांताचे प्रांत सहमंत्री नितीन वाटकर, प्रांत धर्मप्रसार प्रमुख अधिवक्त्या मृणालिनीताई पडवळ, पिंपरी-चिंचवड जिल्ह्याचे अध्यक्ष शरद इनामदार, बजरंग दलाचे जिल्हा संयोजक संभाजी बालघरे आदींसह संपूर्ण पिंपरी-चिंचवड शहरातील संघटनेचे जिल्हा पदाधिकारी आणि कार्यकर्ते उपस्थित होते.