Mohammed Shami Slammed : रमझानमध्ये भारतीय क्रिकेटपटू महंमद शमी सरबत पित असल्यावरून मौलानांची टीका

बरेली (उत्तरप्रदेश) – भारतीय क्रिकेट संघाचा वेगवान गोलंदाज महंमद शमी सध्या चालू असलेल्या ‘चॅम्पियन्स चषक क्रिकेट स्पर्धे’तील एका सामन्यात सरबत पितांना दिसला. सध्या रमझान चालू असल्याने त्याच्यावर ‘ऑल इंडिया मुस्लिम जमात’चे मौलाना शहाबुद्दीन रझवी यांनी टीका केली आहे. ते म्हणाले की, ‘रमझानमध्ये उपवास न ठेवणे पाप आहे. तो शरियाच्या दृष्टीने गुन्हेगार आहे. त्याला देवासमोर उत्तर द्यावे लागेल.’ यावर ‘ऑल  इंडिया इमाम असोसिएशन’चे अध्यक्ष मौलाना साजिद रशिदी यांनी प्रत्युत्तर देत म्हटले की, उपवास ठेवणे किंवा न ठेवणे, ही वैयक्तिक गोष्ट आहे.

Maulana Shahabuddin Rizvi criticises Indian cricketer Mohammed Shami for consuming an energy drink during #Ramadan   

But shouldn't what we eat and drink be our personal choice?

Why are those who usually preach about individual freedom silent now?#ChampionsTrophy
VC:… pic.twitter.com/komOGJpaig

— Sanatan Prabhat (@SanatanPrabhat) March 6, 2025

राष्ट्रवादी काँग्रेस पक्षाचे आमदार रोहित पवार यांनीही यावर प्रतिक्रिया देतांना म्हटले की, जर महंमद शमी याला वाटत असेल की, देशाचे प्रतिनिधित्व करतांना उपवासामुळे त्याच्या कामगिरीवर कोणत्याही प्रकारे परिणाम होईल किंवा त्याला काहीतरी होईल, तर तो कधीही झोपू शकणार नाही. तो एक कट्टर भारतीय आहे, ज्याने संघाला अनेक वेळा विजय मिळवून दिला आहे. खेळात धर्म आणू नये. आज जर तुम्ही कोणत्याही मुसलमानाला विचारले तर तो म्हणेल की, त्याला महंमद शमी याचा अभिमान आहे.