President Murmu At Sangam : महाकुंभ येथे राष्ट्रपती द्रौपदी मुर्मू यांनी संगमावर केले स्नान !

उत्तराखंडाच्या मुख्यमंत्र्यांनीही केले स्नान

प्रयागराज – राष्ट्रपती द्रौपदी मुर्मू यांनी महाकुंभामधील त्रिवेणी संगम येथे स्नान केले. त्यांनी संगमामध्ये ३ डुबकी घेऊन भगवान सूर्याला अर्घ्य अर्पण केले आणि स्नानापूर्वी गंगामातेला पुष्प अर्पित केले. या वेळी मंत्रोच्चाराच्या वातावरणात गंगा पूजन आणि आरती झाली. यानंतर राष्ट्रपती मुर्मू यांनी लेटे हनुमान मंदिरात जाऊन दर्शन घेतले आणि आरती केली. त्यानंतर अक्षय्यवट धाम येथे जाऊन पूजन केले. त्यांच्यासमवेत उत्तरप्रदेशाच्या राज्यपाल आनंदीबेन पटेल आणि मुख्यमंत्री योगी आदित्यनाथ उपस्थित होते.
उत्तराखंडाचे मुख्यमंत्री पुष्कर सिंह धामी यांनी कुटुंबासमवेत संगममध्ये स्नान करून भगवान सूर्याला अर्घ्य अर्पण केले. महाकुंभमध्ये मोठ्या प्रमाणावर भाविकांची गर्दी होत असल्याने अरैल घाट ते संगम या मार्गावर बोटसेवा बंद करण्यात आली आहे.