Exclusive : महाराष्ट्र ‘एस्.डी.आर्.एफ्.’च्या आणखी २ पथकांची केंद्राकडे मागणी करणार !

कोकणात आपत्ती प्रतिसाद दलाची अनिश्‍चितीच ! 

यावर्षीच्या पावसाळी अधिवेशनात सरकारने कोकणात ‘आपत्ती प्रतिसाद दल’ करण्याचे आश्‍वासन दिले होते; मात्र नव्याने मागणी करण्यात आलेल्या राज्य आपत्ती प्रतिसाद दलापैकी एक पुणे येथे, तर दुसरे मुंबई येथे प्रस्तावित आहे. यापूर्वी कोकणातील रायगड जिल्ह्यातील महाड येथे राष्ट्रीय आपत्ती प्रतिसाद दलाची स्थापना करण्याचा प्रस्ताव वर्ष २०१९ मध्ये राज्य सरकारकडून केंद्रीय गृहविभागाकडे पाठवण्यात आला होता; मात्र हे पथक अन्य राज्यात हलवण्यात आल्याची माहिती एका अधिकार्‍यांनी दिली. नव्याने होऊ घातलेल्या राज्य आपत्ती प्रतिसाद दलाचेही कोकणात स्थान नाही. एकूणच महाराष्ट्रातील अन्य जिल्ह्यांच्या तुलनेत नैसर्गिक आपत्तींची वारंवारता अधिक असूनही कोकणात आपत्ती प्रतिसाद दलाच्या स्थापनेची अद्यापही अनिश्‍चितीच आहे.