भोर (जिल्हा पुणे) – येथील ‘उन्नती महिला प्रतिष्ठान’च्या वतीने संक्रांतीनिमित्त भोर शहर आणि ग्रामीण भागातील विधवांसाठी हळदीकुंकू समारंभाचे आयोजन करण्यात आले होते. श्रीमंत गंगूताई पंतसचिव वाचनालयाच्या सभागृहात झालेल्या या कार्यक्रमामध्ये ३० महिलांनी सहभाग घेतला. ‘उन्नती महिला प्रतिष्ठान’च्या अध्यक्षा सीमा तनपुरे यांच्या संकल्पनेतून हा उपक्रम राबवण्यात आला. या हळदी-कुंकू समारंभात विधवा महिलांना हळदी-कुंकू लावून संक्रांतीचे वाण म्हणून तिळगूळ आणि निरांजन देण्यात आले.
विधवांनी कुंकू लावू नये, यामागील हिंदु धर्मशास्त्र !
विवाहाच्या वेळी सौभाग्याचे प्रतीक म्हणून मंगळसूत्र, जोडवी आदी अलंकार घातले जातात, तर स्त्रीच्या कपाळावरील कुंकू हेही तिच्या सौभाग्याचेच प्रतीक असते. अलंकार घालतांना किंवा कुंकू लावतांना स्त्रीला साहजिकच तिच्या पतीचे स्मरण होत असते. पतीच्या निधनानंतर पत्नीला अलंकार घालतांना त्याचे स्मरण होऊ शकते. ‘शब्द, स्पर्श, रूप, रस, गंध आणि संबंधित शक्ती एकत्रित असतात’, असा अध्यात्मातील सिद्धांत आहे. पतीच्या मृत्यूत्तर प्रवासात यामुळे अडथळा येऊ शकतो. तो टाळण्यासाठी शास्त्राने केलेली ही सोयच आहे.
संपादकीय भुमिका
|
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
मंदिरांवरील विविध आघातांच्या विरोधात संघटित झालो, तरच हिंदु संस्कृती टिकेल !
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !