पंजाबमधील अन्य हिंदु नेत्यांना ठार मारण्याची पाकमधील खलिस्तानवाद्यांची धमकी

अमृतसर (पंजाब) – येथील शिवसेनेचे नेते सुधीर सूरी यांच्या हत्येनंतर सामाजिक माध्यमांतून गोपाल चावला नावाच्या पाकमधील खलिस्तानवाद्याकडून एक व्हिडिओ प्रसारित करण्यात आला आहे. यात तो म्हणत आहे, ‘‘शीख, मुसलमान आणि त्या प्रत्येक समाजाला, ज्याला स्वातंत्र्य हवे आहे, त्यांना खूप खूप शुभेच्छा ! मी त्याला सूरी नाही, तर डुक्कर म्हणेन. ज्या भावाने त्याला मारले, त्याचे मला कौतुक आहे. एक डुक्कर गेला आणि आता पुढच्यांचा क्रमांक आहे. निशांत शर्मा, अमित अरोडा (पंजाबमधील हिंदूंचे नेते) यांनाही जावे लागेल. ज्याप्रकारे सूरी मेला आहे, तसे अन्य लोकांना कुत्र्यांप्रमाणे मरायचे आहे.’’

‘एक सूअर गया, अगले को देखो अब… सबको कुत्ते की मौत मरना है’: हिंदूवादी नेता की हत्या पर Pak में बैठ खालिस्तानी ने मनाया जश्न, हत्यारों को बताया- भाई#Pakistan #Sudhirsuri #GopalChawlahttps://t.co/6nFL5XxYLI

— ऑपइंडिया (@OpIndia_in) November 5, 2022

अमृत सिंह मेहरोन यांच्याकडून सूरी यांची हत्या करणार्‍याचे कौतुक !

शिरोमणी अकाली दल अमृतसर (सिमरन जीत सिंह मान) या पक्षातून वर्ष २०२२ मध्ये विधानसभेची निवडणूक लढवणारे अमृत सिंह मेहरोन यांनी एका सभेत उघडपणे सुधीर सूरी यांची हत्या करणार्‍याचे कौतुक केले. ते म्हणाले, ‘कुणाचे वाईट झाल्याने मला आनंद होत नाही; मग तो माझा शत्रू असला तरी. तथापि मी सांगेन की, सुधीर सूरी यांची ज्याने कुणी हत्या केली ?, तो कुठून आला ?, हे मला ठाऊक नाही; मात्र त्याचा जयजयकार झाला पाहिजे.’ मेहरोन यांच्या विधानाचा व्हिडिओ ‘टी.एफ्. न्यूज’ या वृत्तवाहिनीने प्रसारित केले आहे. हा व्हिडिओ सामाजिक माध्यमांतूनही प्रसारित होत आहे.