काळानुसार साधना केल्यास वैयक्तिक आध्यात्मिक उन्नती आणि जीवनात आनंदी रहाणे सहज शक्य ! – सद्गुरु स्वाती खाडये, धर्मप्रचारक, सनातन संस्था

कोल्हापूर – आपण ज्या हिंदु धर्मात जन्मलो, त्या धर्मात अमूल्य असे ज्ञान आहे. आपण सर्वजण मात्र धर्मशिक्षणाच्या अभावी सकाळी उठल्यापासून पाश्चात्त्यांच्या अंधानुकरण करण्यातच धन्यता मानतो. आज बहुतांश जणांकडे पैसा असूनही मन:शांती नाही, अशी स्थिती आहे. अशा स्थितीत हिंदूंनी काळानुसार कुलदेवतेची उपासना केल्यास वैयक्तिक आध्यात्मिक उन्नती आणि जीवनात आनंदी रहाणे सहज शक्य आहे, असे मार्गदर्शन सनातन संस्थेच्या धर्मप्रचारक सद्गुरु स्वाती खाडये यांनी केले. येथील ‘आत्मदर्शन हॉल’ येथे जिज्ञासूंसाठी आयोजित केलेल्या सत्संगात त्या मार्गदर्शन करत होत्या. या मार्गदर्शनासाठी अनेक जिज्ञासू उपस्थित होते.

निपाणी (कर्नाटक) – सद्गुरु स्वाती खाडये यांनी निपाणी येथे जिज्ञासूंना साधनेविषयी मार्गदर्शन केले. महर्षि वाल्मीकि भवन येथे झालेल्या या मार्गदर्शनासाठी निपाणी शहरासह जत्राट, नांगनूर, कणगला, संकेश्वर, लिंगनूर या गावांतील १२० जिज्ञासू सहभागी झाले होते. मार्गदर्शन झाल्यावर अनेकांनी शंकानिरसन करून घेतले.

अभिप्राय – श्री. राजू इंडी, उद्योजक, निपाणी : आतापर्यंत पहिल्यांदाच अशा प्रकारचा विषय ऐकला. मिळालेले मार्गदर्शन अमूल्य होते.