सनातन प्रभात > Post Type > बातम्या > राष्ट्रीय बातम्या > बंगालमध्ये भाजपच्या खासदाराच्या निवासस्थानावर फेकले बाँब !

बंगालमध्ये भाजपच्या खासदाराच्या निवासस्थानावर फेकले बाँब !

  • जीवितहानी नाही !

  • राज्यपालांकडून घटनास्थळी जाऊन पहाणी
  • तृणमूल काँग्रेसच्या राजवटीत बंगालमध्ये अराजक माजले आहे, हे आता स्पष्ट होते !
  • ज्या राज्यात खासदार असणारी व्यक्ती सुरक्षित नाही, तेथे सर्वसामान्य व्यक्तीच्या सुरक्षेची स्थिती कशी असेल, याची कल्पना करता येत नाही !

कोलकाता (बंगाल) – उत्तर २४ परगणा मतदारसंघातील भाजपचे प्रदेश उपाध्यक्ष आणि खासदार अर्जुन सिंह यांच्या निवासस्थानावर बाँब फेकण्यात आल्याची घटना ७ सप्टेंबरच्या रात्री घडली. या वेळी सुरक्षेसाठी पोलीस तैनात असतांना ही घटना घडली. घरावर बाँब फेकण्यात आले, तेव्हा अर्जुन सिंह बाहेर गेले होते; मात्र त्यांचे कुटुंबीय निवासस्थानी होते. पोलिसांनी घटनास्थळी असलेल्या सीसीटीव्ही कॅमेर्‍यांची तपासणी केली. यावरून बाँब फेकणार्‍यांचा शोध घेतला जात आहे.

राज्यपाल जगदीन धनखड म्हणाले की, बंगालमधील हिंसाचार थांबण्याची चिन्हे नाहीत. खासदार अर्जुन सिंह यांच्या निवासस्थानावर बाँब फेकण्यात आले. हा कायदा आणि सुव्यवस्थेच्या दृष्टीने चिंतेचा विषय आहे. मला आशा आहे की, या प्रकरणी बंगाल पोलिसांकडून त्वरित कारवाई केली जाईल. सिंह यांच्या सुरक्षेविषयी यापूर्वीच मुख्यमंत्री ममता बॅनर्जी यांच्याकडे मागणी करण्यात आली आहे. या घटनेनंतर बंगालमधील निवडणुकीनंतरच्या हिंसाचाराच्या आठवणी पुन्हा एकदा ताज्या झाल्या आहेत. (जर सातत्याने अशा घटना राज्यात घडत असतील आणि सरकार ते थांबवण्यात अपयशी ठरत असेल, तर तेथे राष्ट्रपती राजवट का लावली जात नाही ? – संपादक)

नूतन लेख