ईश्‍वरी गुण आणि अवगुण तसेच अलंकार !

ईश्‍वरी गुण म्हणजे सूक्ष्मातील अलंकार !

ईश्‍वरी गुण आणि सूक्ष्मरूपी अलंकार हे एकमेकांशी संबंधित असणे

१. जिवामध्ये असलेला ईश्‍वराचा एकेक गुण, म्हणजे ईश्‍वराने दिलेला एकेक सूक्ष्मरूपी अलंकार असणे : ‘जिवात असलेल्या वेगवेगळ्या ईश्‍वरी गुणांप्रमाणे वेगवेगळे अलंकार असतात आणि त्या ईश्‍वरी गुणांप्रमाणे ते आकार घेतात. तसेच जिवाला आवश्यक त्या तत्त्वाप्रमाणे त्यांत रंग भरले जातात.

२. दैवी अलंकारांचे स्थान शरिरातील वेगवेगळ्या चक्रांवर असून ते एकप्रकारे ईश्‍वराने जिवाला दिलेले संरक्षककवच आहे.

३. सूक्ष्मातील अलंकारांमुळे शरिरातील चक्रांना ऊर्जेचा पुरवठा सतत होत असतो.’ – एक अज्ञात शक्ती

जिवाचा गुण आणि अवगुण यांनुरूप असलेले सूक्ष्मातील अलंकार

१. जिवाच्या गुणांनुरूप असलेले सूक्ष्मातील अलंकार

१ अ. व्यापकत्व, क्षात्रवृत्ती, पारदर्शकता, प्रीती इत्यादी गुणांना वेगवेगळा अलंकार असतो.

१ आ. जसे देवतांनी अलंकार घातलेले असतात, त्याचप्रमाणे जिवाच्या देहावरही त्याच्या गुणांनुरूप सूक्ष्मातून अलंकार असतात.

२. जिवाच्या देहावर असलेले अलंकार हे तारक अलंकार असणे आणि हातांत घेतलेली शस्त्रे हे मारक अलंकार असणे : ईश्‍वराचे जास्तीतजास्त गुण असलेल्या आणि ईश्‍वराशी एकरूप असलेल्या जिवाला ईश्‍वर सूक्ष्मातील सगळ्यात जास्त अलंकार प्राप्त करून देतो. जिवातील तारक-मारक भाव आणि गुण यांनुसार जिवामध्ये सूक्ष्मातील तारक अन् मारक अलंकार असतात. जिवाच्या देहावर असलेले अलंकार हे सूक्ष्मातील तारक अलंकारांचे, तर जिवाने हातांत घेतलेली शस्त्रे (उदा. तलवार), हे सूक्ष्मातील मारक अलंकारांचे प्रतीक आहे.

अवगुण म्हणजे आसुरी शक्तींचे अलंकार !

१. अवगुणांमुळे आसुरी शक्तींनी व्यक्तीच्या शरिरामध्ये त्यांचे स्थान निर्माण करणे आणि त्या स्थानांमधे आसुरी अलंकार ठेवणे

ज्याप्रमाणे जिवाच्या गुणांमुळे त्याला दैवी अलंकारांची प्राप्ती होते, त्याप्रमाणे अवगुणांमुळे आसुरी शक्ती जिवाच्या शरिरामध्ये त्यांची स्थाने निर्माण करतात आणि त्या स्थानांमधे आसुरी अलंकार ठेवतात. जिवामध्ये जेवढे अवगुण जास्त, तेवढे सूक्ष्मातील आसुरी अलंकार त्याच्या देहात जास्त असतात.

२. कलियुगातील जिवांनी इतर युगांतील जिवांपेक्षा सगळ्यात जास्त आसुरी अलंकार धारण केलेले असणे

ज्याप्रमाणे स्थुलातील असुराचे अलंकारित रूप असते, त्याप्रमाणे कलियुगातील जिवाचे सूक्ष्मातील रूप आसुरी अलंकार घातलेल्या असुरांप्रमाणेच आहे.

३. राष्ट्र आणि धर्म यांच्या अधःपतनास कारणीभूत असणारे राष्ट्रद्रोही अन् धर्मद्रोही यांच्या देहांत मोठ्या आसुरी शक्तीशी निगडित अलंकार असतात.

४. भ्रष्ट अधिकारी वर्ग आणि कर्मचारी वर्ग यांच्या देहांत आसुरी सैन्याशी निगडित अलंकार असतात.

५. नीतीमत्ताहीन स्त्रिया आणि राष्ट्र अन् धर्म यांच्या अधःपतनास कारणीभूत असलेल्या स्त्रिया यांच्या देहांत आसुरी स्त्रियांशी (स्त्री-वाईट शक्ती, उदा. राक्षसीण) निगडित अलंकार असतात.’

(सौ. रंजना गडेकर यांच्या माध्यमातून (१३.२.२००७) आणि  (२३.३.२००८))