सरकारी कर्मचारी ऐकत नसतील, तर त्यांना बांबूचे फटके मारा ! – केंद्रीय मंत्री गिरिराज सिंह यांचा जनतेला सल्ला

हा सल्ला म्हणजे कायदा हातात घेण्याचा प्रकार आहे ! प्रशासनातील अधिकारी आणि कर्मचारी हे घटक जनतेची कामे करत नसतील, तर त्यांना वठणीवर आणण्याचे दायित्व सरकारचे नाही का ? असे सल्ले देण्याऐवजी केंद्रीय मंत्र्यांनी प्रशासन लोकाभिमुख कसे होईल, यासाठी प्रयत्न करणे आवश्यक !

बेगूसराय (बिहार) – सरकारी अधिकारी वारंवार लोकांच्या तक्रारींकडे दुर्लक्ष करत असतात. सामान्य लोकांकडून अशा तक्रारी वारंवार माझ्याकडे येत असतात. मला या लोकांना सांगायचे आहे की, एवढ्या छोट्या गोष्टींसाठी तुम्ही माझ्याकडे कशाला येता ? खासदार, आमदार, गावचे प्रमुख, जिल्हाधिकारी, उपजिल्हाधिकारी या सर्वांचे कर्तव्य आहे की, त्यांनी जनतेची सेवा केली पाहिजे. जर त्यांनी तुमचे ऐकले नाही, तर मग दोन्ही हातात बांबूची काठी घ्या आणि त्यांच्या डोक्यावर मारा.

#WATCH | If someone (any government official) doesn’t listen to your grievances, hit them with a bamboo stick. Neither we ask them to do any illegitimate job, nor will we tolerate illegitimate ‘nanga nritya’ by any official: Union Minister Giriraj Singh in Begusarai, Bihar pic.twitter.com/Wxc6TlHiYC

— ANI (@ANI) March 6, 2021

जर असे करूनही तुमचे काम होत नसेल, तर मी तुमच्यासमवेत आहे, असा सल्ला केंद्रीय मंत्री गिरीराज सिंह यांनी येथे त्यांच्या मतदारसंघातील जनतेला दिला.