गोव्यात ‘जनता कर्फ्यू’ लादण्याचा शासनाचा विचार नाही, तसेच या अनुषंगाने केंद्रीय गृहमंत्रालयाकडूनही काही विशेष सूचना आलेल्या नाहीत, अशी माहिती मुख्यमंत्री डॉ. प्रमोद सावंत यांनी दिली.

गोव्यात कोरोनाबाधितांचे प्रमाण १ सहस्रहून अल्प झाले होते. ही संख्या २३ डिसेंबरला १२५ नवीन कोरोनाबाधित आढळल्याने पुन्हा १ सहस्र झाली आहे. कोरोनामुळे दिवसभरात २ मृत्यू झाले आहेत, तर ७० रुग्ण बरे झाले आहेत.