British Hindus Most Eco-Friendly : सर्व धर्मियांमध्ये हिंदू सर्वाधिक पर्यावरणपूरक कृती करतात !

ब्रिटनच्या एका संस्थेने केलेल्या संशोधनातील निष्कर्ष

लंडन (ब्रिटन) – ‘इन्स्टिट्यूट फॉर दी इम्पॅक्ट ऑफ फेथ इन लाईफ’ (श्रद्धेचा जीवनावर प्रभाव पडण्याचा अभ्यास करणे) अर्थात् ‘आय.आय.एफ्.एल्.’ या संस्था हिने एक वैशिष्ट्यपूर्ण संशोधन केले आहे. या संशोधनानुसार, ब्रिटनमध्ये सर्व धर्मियांमध्ये हिंदू  निसर्गरक्षणासाठी प्रत्यक्ष कार्य करण्यात अग्रेसर आहेत, म्हणजेच ते सर्वाधिक पर्यावरणपूरक कृती करतात.

British Hindus Most Eco-friendly Among Followers of All Religions : Findings of a British Institute

Hindus follow acts based on science as prescribed under Dharma; therefore, they are one of the leading communities in the world contributing to the country wherever they live. The… pic.twitter.com/8sOZrKEKgb

— Sanatan Prabhat (@SanatanPrabhat) March 9, 2025

संशोधनातील महत्त्वपूर्ण निष्कर्ष –

१. या संशोधन अहवालात ख्रिस्ती, मुसलमान आणि हिंदू या ब्रिटनमधील तीन सर्वांत मोठ्या धार्मिक समुदायांचे सर्वेक्षण करण्यात आले. ‘तुम्ही कोणत्या देवावर विश्वास ठेवता, यावर तुम्ही अधिक पर्यावरणपूरक आहात कि नाही’, हे ठरते, असे यात सांगण्यात आले.

२. या संशोधनाद्वारे धार्मिक श्रद्धा आणि पर्यावरणवाद यांच्यातील संबंध शोधण्याचा प्रयत्न करण्यात आला. संशोधकांनी विविध धर्मांतील सदस्यांच्या सखोल मुलाखती घेऊन सर्वेक्षणाच्या निष्कर्षांचा अधिक खोलवर अभ्यास केला.

३. निकालातून असे दिसून आले की, ब्रिटीश हिंदू पर्यावरणीय गोष्टींत आघाडीवर आहेत, तसेच ते इतर धर्मीय गटांच्या तुलनेत अधिक पर्यावरणपूरक कृती करतात. अभ्यासात असे आढळले की, ६४ टक्के हिंदू पर्यावरण अबाधित राखण्यासाठी प्रयत्नरत आहेत, ७८ टक्के हिंदू निसर्गाच्या हितासाठी सक्रीयपणे स्वतःच्या सवयी पालटतात, तर ४४ टक्के हिंदू हे पर्यावरणीय गटांमध्ये सहभाग घेतात.

४. ९२ टक्के मुसलमान आणि ८२ टक्के ख्रिस्ती यांचा असा विश्वास आहे की, त्यांचा धर्म त्यांना पर्यावरणाची काळजी घेण्यास बाध्य करतो; परंतु त्यांच्याकडून हे नेहमीच कृतीत रूपांतरित होत नाही.

५. हिंदूंना असेही वाटते की, ‘जगातील सर्व वस्तू या देवाप्रमाणे पूज्य आहेत. पूजा ही त्या वस्तूची नसते, तर त्यात व्याप्त देवाची असते. ही भूमिका वास्तवात असा दृष्टीकोन देते की, ज्यामध्ये सर्व काही पवित्र आहे आणि म्हणूनच पर्यावरणाची काळजी घेणे, म्हणजे देवाची पूजा करणे आणि सर्व सृष्टीची सेवा करणे होय; कारण सर्व सृष्टी ईश्वरात खोलवर जोडलेली आहे.’

६. वयाचा विचार करता १८ ते २४ वर्षे वयोगटातील ४६ टक्के तरुणांना वाटते की, ‘देव स्वत: पर्यावरणवादी आहे’, तर ६५ वर्षे आणि त्यावरील वयोगटातील केवळ १७ टक्के लोकांना असे वाटते.