Tomb Of Raja Krishnadevaraya : विजयनगरचे सम्राट राजा कृष्णदेवराय यांच्या समाधीस्थळाचे मांस विक्रीकेंद्रात रूपांतर : सरकारचा निष्काळजीपणा !

बेंगळुरू – भारतीय इतिहासातील महान शासक विजयनगरचे सम्राट राजा कृष्णदेवराय यांच्या समाधीस्थळाचे मांस विक्रीकेंद्रात रूपांतर झाले आहे.  कन्नडभूमीचे गौरव, असामान्य प्रशासक आणि अद्वितीय सेनानी असलेल्या राजा कृष्णदेवराय यांचा हा अपमान आहे, असे मत विजापूरचे आमदार बसानगौडा पाटील यत्नाळ यांनी व्यक्त केले.

यत्नाळ यांनी‘एक्स’वर प्रसारित केलेल्या ‘पोस्ट’मध्ये म्हटले आहे की, ‘हिंदूंंची मंदिरे पाडून देशाची संपत्ती लुटणार्‍या आणि सहस्रो हिंदूंची अमानुष हत्या करणार्‍या औरंगजेबाच्या समाधीचे भारतीय पुरातत्व सर्वेक्षण विभाग करदात्यांच्या पैशांतून संरक्षण करत आहे. दुसरीकडे मात्र विजयनगर साम्राज्याचा विस्तार करणारे महापराक्रमी, कला आणि साहित्य क्षेत्राचे संरक्षक राजा कृष्णदेवराय यांच्या समाधीविषयी इतका निष्काळजीपणा का? हा केवळ कन्नडिगांचाच नव्हे, तर राष्ट्राचा अपमान आहे.

मांसाची विक्री करून समाधीस्थानाची पवित्रता नष्ट करणार्‍यांना जिल्हा प्रशासनाने त्वरित तेथून हटवावे. तसेच सरकारने तातडीने येथे स्वच्छता आणि समाधीची पवित्रता राखावी, अशी मागणी आमदार यत्नाळ यांनी केली आहे.