Karnataka Bolldozer On Hindu Mutt : २५० मुसलमानांनी नेल्लूर मठाच्या भूमीवर चालवला बुलडोझर !

चिक्कमगळुरू (कर्नाटक) : येथील नेल्लूर मठ-जामिया मशीद यांच्यातील दोन दशकांचा संघर्ष आता शिगेला पोचला आहे. ४ मार्चला शहरातील हनुमंतप्पा सर्कलजवळ मशिदीच्या सदस्यांनी ‘कर्नाटक उच्च न्यायालयाने आमच्या बाजूने आदेश दिला आहे’, असे सांगत, नगरपालिकेला कोणतीही माहिती न देता वादग्रस्त जागेवरील मठ, घरे आणि हॉटेल हटवण्यास आरंभ केला. २५० हून अधिक मुसलमानांना एकत्र करून बुलडोझरचा वापर करून ही कारवाई करण्यात आली.

Chickmagalur, Karnataka: A shocking incident has unfolded where a group of 250 Mu$l!ms, claiming a court order in their favor, bulldozed the land of Nellore Matha.

The police have registered a case against 14 individuals, but the question remains: why did the authorities fail to… pic.twitter.com/8RCnYReR7p

— Sanatan Prabhat (@SanatanPrabhat) March 6, 2025

१. ही भूमी नेल्लूर मठाची असल्याचा नेल्लूर मठ कुटुंबाचा दावा आहे, तर ही भूमी मुसलमानांची असल्याचा जामिया मशिदीचा दावा आहे. बुलडोझरच्या कारवाईमुळे परिसरात तणावाचे वातावरण निर्माण झाले आहे.

२. बुलडोझर फिरवला जात असतांना नेल्लूर मठ कुटुंबीय, भाजप कार्यकर्ते आणि हिंदुत्वनिष्ठ संघटनांचे कार्यकर्ते घटनास्थळी पोचले होते. कार्यकर्त्यांनी संताप व्यक्त केला. परिस्थितीचे गांभीर्य लक्षात घेऊन पोलिसांनी कडक बंदोबस्त ठेवत अतिक्रमण हटवण्याची कारवाई थांबवली.

३. या वेळी पोलीस अधीक्षक विक्रम आमटे यांनी मशिदीच्या सदस्यांना बैठकीसाठी उपस्थित रहाण्याचे निर्देश दिले. या बैठकीत हिंदुत्वनिष्ठ कार्यकर्तेही सहभागी झाले होते.

४. बैठकीत पोलिसांनी जामिया मशिदीच्या सदस्यांना ‘पोलिसांना आणि नगरपालिकेला माहिती न देता अचानक कारवाई केली’ यावरून केवळ नाराजी व्यक्त केली.

५. ‘हटवलेले बांधकाम पुन्हा चालू करावे, हानीभरपाई द्यावी, बुलडोझर जप्त करावा आणि अतिक्रमण हटवणार्‍यांवर गुन्हा नोंद करावा’, अशा मागण्या या वेळी हिंदुत्वनिष्ठांनी केल्या. या संदर्भात नेल्लूर मठ कुटुंबीय आणि हॉटेल मालक यांनी बसवनहल्ली पोलीस ठाण्यात तक्रार प्रविष्ट (दाखल) केली आहे.

६. हिंदूंच्या वाढत्या दबावामुळे वक्फ बोर्डाच्या अधिकार्‍यांसह जामिया मशिदीच्या १४ सदस्यांविरुद्ध गुन्हा नोंदवण्यात आला आहे.