७ आरोपींपैकी चौघे अटकेत ! – केंद्रीय मंत्री रक्षा खडसे यांच्या मुलीची छेड काढल्याचे प्रकरण

फरार आरोपींचा शोध चालू !

जळगाव – केंद्रीय मंत्री रक्षा खडसे यांच्या मुलीसह तिच्या मैत्रिणींची छेड काढण्यात आली होती. या प्रकरणी २ गुन्हे नोंदवण्यात आले होते. यात एकूण ७ आरोपी असून त्यांतील चौघांना अटक करण्यात आली आहे. मुख्य आरोपी अनिकेत भोई हा मुक्ताईनगरचे आमदार चंद्रकांत पाटील यांचा कट्टर समर्थक आहे, तसेच रावेर लोकसभा मतदार संघाचे शिवसेना जिल्हाप्रमुख छोटूभाई यांचा पुतण्या आहे. त्याच्यासह किरण माळी, अनुज पाटील आणि एक अल्पवयीन मुलगा यांना अटक झाली. किरण माळी शिवसेनेच्या पदाधिकार्‍यांचा नातेवाईक आहे. फरार आरोपींचा शोध घेण्यात येत आहे.