बांगलादेशी घुसखोरी, वेश्याव्यवसाय आणि पैशांची अफरातफर यांच्याशी संबंधित कारवाई !
रांची (झारखंड) – झारखंड आणि बंगाल या राज्यांतील १७ ठिकाणी अंमलबजावणी संचालनालयाने, म्हणजेच ‘ईडी’ने धाडी घातल्या. बांगलादेशी घुसखोरी, वेश्याव्यवसाय, तसेच विदेशातून पैशांची होणारी अफरातफर, या प्रकरणांशी संबंधित ही कारवाई केल्याचे सांगण्यात येत आहे. झारखंड विधानसभा निवडणुकीच्या पहिल्या टप्प्याचे मतदान १३ नोव्हेंबरला होत असल्याने आदल्याच दिवशी झालेल्या या कारवाईला अधिकच महत्त्व प्राप्त झाले आहे. बंगालच्या विधानसभेच्या ६ जागांवरही पोटनिवडणुका होत आहेत.
📌The ED raids at 17 locations in #Jharkhand and #WestBengal in illegal #Bangladeshi infiltration case, discover prostitution and money laundering activities
👉 This racket also hints at a possible involvement of Police and Administration. Strict actions should be taken against… pic.twitter.com/8JcwhGtdyV
— Sanatan Prabhat (@SanatanPrabhat) November 12, 2024
१. जून २०२४ मध्ये रांची पोलिसांनी बरियाटू पोलीस ठाणे क्षेत्रातील बाली रिसॉर्टमधून ३ बांगलादेशी मुलींना वेश्याव्यवसायाशी संबंधित आरोपांवरून अटक केली होती. त्या बांगलादेशातील चट्टोग्राम येथील निवासी असल्याची माहितीही समोर आली होती.
२. या तिघींना न्यायालयाने प्रत्येकी १० सहस्र रुपयांच्या वैयक्तिक जातमुचलक्यावर तपासात सहकार्य करण्याच्या अटीवर जामीन संमत केला होता. ३ आठवड्यांपूर्वी ‘ईडी’चे अधिकारी या तिघींची चौकशी करण्यासाठी संबंधित पोलीस ठाण्यात गेले असता तेथील पोलीस अधिकार्‍याला या ३ मुलींची माहिती नसल्याचे समोर आले. (यातून बांगलादेशी घुसखोरीच्या प्रकरणात पोलिसांचे साटेलोटे असल्याची शक्यता दाट आहे, हेच म्हणता येईल. अशांविरुद्धही कठोर कारवाई झाली पाहिजे ! – संपादक)
मक्केत मक्केश्वर महादेव आहे ! – शंकराचार्य जगद्गरु स्वामी निश्चलानंद सरस्वती
मुसलमान जोडप्यांना विवाहाचे प्रमाणपत्र देण्याच्या वक्फ बोर्डाच्या अधिकारावर कर्नाटक उच्च न्यायालयाची स्थगिती
प्रत्येक भारतियाने ‘द साबरमती रिपोर्ट’ चित्रपट पाहिला पाहिजे ! – मुख्यमंत्री योगी आदित्यनाथ
मंदिरांच्या माध्यमातून धर्मकार्य वाढवण्याचा मंदिर विश्वस्तांचा निर्धार !
मुरगांव (जिल्हा गडचिरोली) येथील लाचखोर सरपंचाला अटक !
आपण वानवासी, ग्रामवासी किंवा नगरवासी असलो, तरी आपण सगळे भारतवासी आहोत ! – राष्ट्रपती द्रौपदी मुर्मू