‘२२.९.२०२३ या दिवशी, म्हणजे गौरी पूजनाच्या दिवशी सकाळी मी परात्पर गुरु डॉ. आठवले यांच्या छायाचित्रापुढे उदबत्ती ओवाळत होते. त्यानंतर मी घरी स्थापन केलेल्या गौरींचे स्मरण केले. (भाद्रपद शुक्ल सप्तमीला काही जणांकडे घरात मुखवटे ठेवून गौरींची स्थपना करतात. त्यांना साडी नेसवून फुलांनी सुशोभित करतात.)
तेव्हा मला पुढील दृश्य दिसले – ‘त्या दोन्ही गौरींच्या ठिकाणी मला श्रीसत्‌शक्ति (सौ.) बिंदा नीलेश सिंगबाळ आणि श्रीचित्‌शक्ति (सौ.) अंजली मुकुल गाडगीळ दिसल्या. त्या दोघी पाटावर बसल्या होत्या आणि मी त्यांची ओटी भरत होते. ओटीमध्ये मी श्रीसत्‌शक्ति (सौ.) बिंदा सिंगबाळ यांना लाल रंगाची साडी आणि श्रीचित्‌शक्ति (सौ.) अंजली गाडगीळ यांना हिरव्या रंगाची साडी देत आहे. त्यांची ओटी भरत असतांना मला आतून पुष्कळ आनंद जाणवत होता. ओटी भरल्यावर मी त्यांच्या चरणांवर डोके ठेवून नमस्कार केला. त्यानंतर श्रीसत्‌शक्ति (सौ.) सिंगबाळ यांनी मला क्रियाशक्तीचा आणि श्रीचित्‌शक्ति (सौ.) गाडगीळ यांनी ज्ञानशक्तीचा आशीर्वाद दिला. त्यानंतर श्रीसत्‌शक्ति (सौ.) सिंगबाळ मला म्हणाल्या, ‘‘तुझ्याकडे इच्छाशक्ती आहे. आता आम्ही तुला क्रियाशक्ती आणि ज्ञानशक्ती प्रदान करतो.’’ गौरी पूजनाच्या दिवशी महालक्ष्मीस्वरूप असलेल्या सद्गुरुद्वयींचे कृपाशीर्वाद मिळाल्यामुळे मला पुष्कळ कृतज्ञता वाटली.’
– कु. रजनीगंधा कुर्‍हे, सनातन आश्रम, रामनाथी, गोवा. (२२.९.२०२३)
हिदु धर्मसंस्कृतीने कु. रजनीगंधा कुर्‍हे यांच्याकडून सूक्ष्मातील दृश्यातही धर्मपालन करवून घेणे
प्रश्न : ‘श्रीसत्‌शक्ति (सौ.) सिंगबाळ आणि श्रीचित्‌शक्ति (सौ.) गाडगीळ यांची ओटी भरत असतांना मला मी स्वतः सुवासिनीच्या वेशात दिसले. याचे कारण काय असू शकेल ?’
– कु. रजनीगंधा कुर्‍हे
उत्तर : ‘एखाद्या सौभाग्यवतीची ओटी भरणे; म्हणजे तिच्यातील सृजनशीलतेचा (नवनिर्मितीचा) सन्मान करणे. हा सन्मान सृजनशीलतेला पात्र असणारी सुवासिनी, म्हणजे सौभाग्यवती स्त्रीच करू शकते. कुमारिका किंवा विधवा स्त्रीला तो अधिकार हिंदु धर्मशास्त्राने दिलेला नाही.
कु. रजनीगंधा कुर्‍हे यांना दिसलेल्या सूक्ष्मातील दृश्यात त्या श्रीसत्‌शक्ति (सौ.) बिंदा नीलेश सिंगबाळ आणि श्रीचित्‌शक्ति (सौ.) अंजली मुकुल गाडगीळ यांची ओटी भरत असल्याचे दिसले अन् त्या दृश्यात त्या स्वतः सुवासिनीच्या वेशात होत्या. यावरून हिंदु धर्मसंस्कृतीने कु. रजनीगंधा कुर्‍हे यांच्याकडून सूक्ष्मातील दृश्यातही धर्मपालन करवून घेतले, हे लक्षात येते. हेच हिंदु धर्मसंस्कृतीचे श्रेष्ठत्व आहे.’
– (सद्गुरु) डॉ. मुकुल गाडगीळ, महर्षि अध्यात्म विश्वविद्यालय, गोवा. (१.१०.२०२३)
|
‘सनातनचे संत, म्हणजे परात्पर गुरु डॉ. आठवले यांची रूपे आहेत’, याची साधिकेला आलेली प्रचीती !
सच्चिदानंद परब्रह्म डॉ. आठवले यांच्या ब्रह्मोत्सवाच्या कालावधीत मुंबई अन् पालघर येथील साधकांनी अनुभवलेली भावस्थिती !
धर्मप्रचार करतांना एका साधकाला धर्मप्रेमींच्या संदर्भात जाणवलेली सूत्रे आणि त्यांना आलेल्या अनुभूती
गुरुकृपेने अर्पितो ही भावपुष्पे मंगल चरणी ।
रामनाथी (गोवा) येथील सनातनच्या आश्रमात झालेल्या घंटापूजनानंतर घंटा वाजवल्यावर ‘त्या नादाचा काय परिणाम होतो ?’, याविषयी केलेल्या प्रयोगाच्या वेळी जाणवलेली सूत्रे
परात्पर गुरु (कै.) कालिदास देशपांडेकाका यांच्याकडून शिकायला मिळालेली सूत्रे आणि आलेल्या अनुभूती !