नाडीपट्टीत उल्लेखल्यानुसार हनुमानचालिसाचे सामूहिक पठण करतांना यवतमाळ आणि कोल्हापूर येथील साधकांना जाणवलेली सूत्रे अन् आलेल्या काही वैशिष्ट्यपूर्ण अनुभूती

आज (चैत्र पौर्णिमा) हनुमान जयंती आहे. त्या निमित्ताने…

 १. हनुमानचालिसा पठणाच्यावेळी यवतमाळ येथील साधकांना जाणवलेलीसूत्रे आणि आलेल्या अनुभूती 

१ अ. सौ. मंदा पारखी (आध्यात्मिक पातळी ६० टक्के, वय ५५ वर्षे), वणी 

१. ‘हनुमानचालिसा पठण करतांना थोडा वेळ माझे मन एकाग्र झाले आणि डोळे बंद झाले.

२. तेव्हा मला प्रकाश दिसला. त्यानंतर मला लाल, भगवा प्रकाश दिसला आणि ‘त्यामध्ये हनुमानाने उड्डाण केले’, असे दृश्य दिसले.

३. नंतर काही वेळाने मला गारवा जाणवला.’

१ आ. सौ. शांता घोंगडे (आध्यात्मिक पातळी ६६ टक्के, वय ६५ वर्षे), यवतमाळ

१. ‘हनुमानचालिसा ऐकतांना थंडगार हवा येत आहे. चंदनाचा सुगंध सुटला आहे’, असे मला जाणवत होते.

२. मला मोठा झेंडा दिसला. मला सूक्ष्मातून दिसले, ‘सर्व साधक झेंडा घेऊन हनुमानाच्या जवळ गेले आहेत. तिथे श्रीरामाच्या चित्राजवळ हनुमंत हात जोडून बसला आहे.’ मला पुष्कळ आनंद झाला आणि माझ्या शरिरावर रोमांच आले. मला ‘झेंडा, म्हणजे आनंदाची गुढी आहे’, अशी अनुभूती येऊन माझा भाव जागृत झाला.’

१ इ. सौ. सुनंदा हरणे (आध्यात्मिक पातळी ६६ टक्के, वय ५४ वर्षे), यवतमाळ

१. ‘हनुमानचालिसा ऐकतांना मला प्रथम वर्धा येथील ‘सेवा’ या गावात असलेल्या हनुमानाच्या उंच मूर्तीचे दर्शन झाले. तेव्हा माझी भावजागृती झाली.

२. नंतर मी ‘रामनाथी (गोवा) येथील सनातनच्या आश्रमात गेले आहे’, असा भाव ठेवला. मला सूक्ष्मातून दिसले, ‘हनुमान समोरच्या दिशेला फिरत आहे. नंतर हनुमानाने आश्रमावरून उड्डाण केले.’ ‘हनुमान आश्रम सुरक्षित करत आहे’, असे मला जाणवले.

३. त्यानंतर ‘सनातन राष्ट्र शंखनाद महोत्सव’ ज्या ठिकाणी होणार आहे, त्या ठिकाणी हनुमान प्रदक्षिणा घालून ते ठिकाण सुरक्षित करत आहे’, असे मला सूक्ष्मातून दिसले.

४. नंतर मला सूक्ष्मातून दिसले, ‘भारताच्या चारही दिशांना हनुमंत फिरत आहे आणि सर्व दिशा सुरक्षित करत आहे.’

५. ‘हिंदु राष्ट्र स्थापन होण्यासाठी हनुमान साहाय्य करत आहे’, असा भाव माझ्या मनामध्ये जागृत होत होता.’

२. हनुमानचालिसा पठण करतांना कोल्हापूर जिल्ह्यातील साधकांना आलेल्या अनुभूती

२ अ. सौ. साधना गोडसे, कोल्हापूर

१. ‘हनुमानचालिसा पठण करत असतांना मला ‘सच्चिदानंद परब्रह्म डॉ. आठवले सगळीकडे हनुमानाची गदा फिरवत आहेत आणि सर्व अनिष्ट शक्ती नष्ट होऊन त्यांच्या चरणांजवळ येऊन पडत आहेत’, असे जाणवले.

२. ‘सर्व साधक हातात भगवा ध्वज घेऊन उभे आहेत’, असे मला सूक्ष्मातून दिसले.’

२ आ. सौ. रूपाली बराले, कोल्हापूर

१. ‘कोल्हापूर येथील सेवाकेंद्रात सामूहिक हनुमानचालिसा पठण करतांना माझे ध्यान लागले.

२. हनुमानाला ‘तुमच्यासारखी दास्यभक्ती माझ्यामध्ये निर्माण होऊ दे’, अशी प्रार्थना केल्यावर मला हलकेपणा जाणवला.’

२ इ. सौ. सुजाता वर्णेकर, गडहिंग्लज, जिल्हा कोल्हापूर. 

१. ‘हनुमानचालिसा पठणाच्या दिवशी सकाळपासून ‘हनुमान आपल्या घरी येणार आहे’, असा भाव ठेवून मी हनुमानाचा नामजप करत होते. हनुमानाची मानसपूजा करत असतांना मला आनंद होत होता.

२. हनुमानचालिसा पठण करतांना २ – ३ वेळा माझ्या शरिरावर रोमांच आले.’

२ ई. सौ. मेघमाला जोशी, कोल्हापूर

१. ‘हनुमानचालिसा पठण करत असतांना मला सूक्ष्मातून दिसले, ‘हनुमंताची गदा सर्वत्र फिरत असून त्यातून पुष्कळ शस्त्रे निघत आहेत आणि सर्व साधकांचे त्रास दूर होत आहेत.’

२. ‘मारुतिराया सर्व साधकांचे रक्षण करत आहेत’, असे मला वाटले.

३. पठण करत असतांना मला पुष्कळ हलकेपणा जाणवला.’

२ उ. सौ. अनिता करमळकर, उंचगाव, कोल्हापूर

१. ‘सामूहिक हनुमानचालिसा पठण चालू असतांना साधकांना पुष्कळ आनंद मिळाला. काही साधकांचा भाव जागृत झाला आणि त्यांना प.पू. गुरुदेवांप्रती कृतज्ञता वाटली.

२. सर्व उपस्थित वाचक, साधक, युवा साधक यांना पाहून माझा भाव जागृत झाला. ‘गुरुदेव आपल्या सर्वांसाठी किती करतआहेत ! आणि गुरुतत्त्व किती मोठ्या प्रमाणात कार्यरत आहे !’, ते मला अनुभवता आले.’

२ ऊ. सौ. माधुरी कुलकर्णी, कोल्हापूर

१. ‘कळंबा येथे नवीन धर्मशिक्षण वर्ग चालू झाला आहे. या वर्गाला येणार्‍या मुली आणि महिला सामूहिक हनुमानचालिसा पठणाच्या वेळी उपस्थित होत्या. पठण करतांना हनुमंताच्या चित्राला रुईची माळ घातली होती. त्या माळेच्या खाली एक पांढरे फूल वाहिले होते. पठण पूर्ण झाल्यावर सर्व जण कृतज्ञता व्यक्त करत असतांना ते फूल आपोआप उडून पडले. ते पाहून सर्व महिलांचा भाव जागृत झाला. त्यांना वाटले, ‘त्यांची सेवा हनुमंताच्या चरणी अर्पण झाली.’

२ ए. श्री. अनिकेत कदम, कोल्हापूर

१. ‘हनुमानचालिसा पठण करतांना प्रथम मला हनुमानाचे मारक रूप आणि नंतर तारक रूप अनुभवता आले. माझा भाव जागृत झाला.

२. मला पंचमुखी हनुमानाचे अस्तित्व जाणवले.’

२ ऐ. सौ. उमा ठोमके (वय ६३ वर्षे), कोल्हापूर

१. ‘हनुमानचालिसा पठण चालू असतांना माझे मन एकाग्र झाले होते.

२. मला सूक्ष्मातून दिसले, ‘साक्षात् मारुतिराया त्याच्या हृदयामध्ये भगवान श्रीराम आहे’, हे दाखवत आहे.’

३.  त्या वेळी ‘माझ्या शरिरावरील अनिष्ट शक्तींचे आवरण निघून जात आहे’, असे मला वाटले.’

(लेखातील सर्व सूत्रांचा दिनांक २.४.२०२५)

१. ‘हनुमानचालिसाचे पठण करत असतांना ‘मी रामनाथी आश्रमात आहे’, असे मला वाटले. २. मला मनाची पूर्ण एकाग्रता साधता आली.’ – पू. डॉ. (श्रीमती) शरदिनी कोरे (सनातनच्या १०९ व्या संत, वय ८२ वर्षे), वारणानगर, कोल्हापूर. (२.४.२०२५)