दहीहंडी फोडतांना मुंबई आणि ठाणे येथे १२९ गोविंदा घायाळ !

आयोजकांकडून न्यायालयाच्या आदेशाचे उल्लंघन !

बर्‍याच गोविंदा पथकांनी पारितोषिके मिळवण्यासाठी १४ वर्षांखालील मुला-मुलींना सहभागी करून घेतले होते. प्रत्यक्षात न्यायालयाच्या आदेशानुसार निश्‍चित करण्यात आलेल्या मार्गदर्शक तत्त्वांमध्ये १४ वर्षांखालील मुलांच्या सहभागाला प्रतिबंध केला होता; पण हा नियम आयोजकांनी डावलला. (या प्रकरणी संबंधित आयोजकांवरही कारवाई व्हायला हवी ! – संपादक) उत्सवस्थळी तैनात असणार्‍या पोलिसांनीही संबंधित पथकांवर कारवाई केली नाही. (न्यायालयाचा अवमान होत असल्याचे दिसूनही कारवाई न करता केवळ बघ्याची भूमिका घेणारे पोलीस काय कामाचे ? – संपादक)

संपादकीय भूमिका

• उंच उंच मनोरे रचल्याने गोविंदा घायाळ होणे म्हणजे उत्सवाला लागलेले गालबोटच होय ! पारितोषिकांच्या हव्यासातून उत्सवाचे पावित्र्य कसे टिकून रहाणार ?
• सण-उत्सव आनंदात साजरे केले जावेत, यासाठी धर्मशिक्षणच हवे !