Racist Satire On Indians : अमेरिकेतील ‘फॉक्सफोर्ड कॉमिक्स’कडून भारतियांवर वर्णद्वेषी व्यंगचित्र प्रसारित !

• बाल्टिमोर (अमेरिका) येथे नौकेच्या धडकेने पूल कोसळल्याचे प्रकरण

• सामाजिक माध्यमांतून होत आहे टीका !

काय आहे व्यंगचित्रात ?

या व्यंगचित्राचा एक व्हिडिओ सामाजिक माध्यमांतून प्रसारित करण्यात आला आहे. यात केवळ लुंगी नेसलेले घाबरलेले पुरुष दाखवले आहेत. या व्हिडिओत म्हटले आहे, ‘डाली नौकेतील अंतिम क्षणाचे चित्रण.’ नौका चालवणारे गांवढळ भारतीय होते आणि त्यांच्यामुळेच हा अपघात झाला, असे यातून दाखवण्याचा प्रयत्न करण्यात आला आहे.

संपादकीय भूमिका

अमेरिकेतील समाजात वर्णद्वेष किती मोठ्या प्रमाणात झिरपला आहे, हेच यातून दिसून येते. वर्णद्वेष ही तेथील मोठी सामाजिक समस्या असून ती अल्प करण्याऐवजी अमेरिका मात्र भारताच्या अंतर्गत गोष्टींत नाक खुपसते ! अशा अमेरिकेला तिची जागा दाखवण्यासाठी भारताने अधिक आक्रमक होणे आवश्यक !