‘हिंदु धर्मजागृती सभा, शिबिर आदी कार्यक्रमांमध्ये किंवा अन्य वेळी अनिष्ट शक्ती साधकांना तीव्र त्रास देतात. त्यामुळे साधकांच्या आध्यात्मिक त्रासात पुष्कळ वाढ होते. अशा वेळी तेथे असलेल्या अन्य साधकांनी तत्परतेने पुढील आध्यात्मिक स्तरावरील उपाय करावेत.
१. स्वतः प्रार्थना आणि नामजप करून आध्यात्मिक स्तरावरील त्रास होत असलेल्या साधकालाही तसे करण्यास सांगावे.
२. त्या साधकाभोवती उपायांसाठी खोकी ठेवावी.
३. प.पू. भक्तराज महाराज यांची भजने हळू आवाजात लावावी.
४. या साधकांसाठी सात्त्विक अत्तर, कापूर, गोअर्क, तसेच विभूती यांचे उपाय केल्यास काही वेळा उत्पादनांतील सात्त्विकतेमुळे साधकांच्या आध्यात्मिक त्रासाचे प्रमाण वाढते. अशा वेळी आध्यात्मिक त्रास न्यून होईपर्यंत प्रार्थना, नामजप करणे आणि खोकी, तसेच भजने लावणे, एवढेच उपाय करावेत.
५. आवश्यक ते अन्य उपाय करण्याविषयी उत्तरदायी साधकांनाही विचारून घ्यावे.
दिवसेंदिवस संकटकाळाची तीव्रता वाढत असून अनिष्ट शक्ती राष्ट्र आणि धर्म यांच्या कार्यात अडथळे आणण्यासाठी निकराने प्रयत्न करत आहेत. ईश्वर सर्वशक्तीमान असल्याने तो प्रत्येक क्षणी साधकांना साहाय्य करतच असतो. त्यामुळे साधकांनी अशा प्रसंगी डगमगून न जाता स्थिर राहून श्रद्धेने सर्व आध्यात्मिक उपाय करावेत.’
सनातन-निर्मित सात्त्विक मूर्तीच्या संगणकीय त्रिमितीकरणाच्या सेवेत सहभागी व्हा ! 
राष्ट्र आणि धर्म विषयक, तसेच संशोधनपर चलत्चित्रांचे (‘व्हिडिओज्’चे) संकलन करून धर्मकार्यात सहभागी व्हा !
पैशांची देवाण-घेवाण, आर्थिक किंवा भूमीचे व्यवहार करणे, तसेच विवाह जुळवणे आदी वैयक्तिक गोष्टी आपल्या जबाबदारीवर कराव्यात !
‘मकरसंक्रांतीच्या निमित्ताने सनातनचे ग्रंथ, तसेच उत्पादने वाण म्हणून देणे’, ही चिरंतन आणि सर्वोत्तम भेट असल्याने त्यासाठी जिज्ञासूंना प्रवृत्त करा !
कोणतीही अनोळखी ‘लिंक’ न उघडता ती ‘डिलीट’ करा !
साधकांनो, उपवर वर किंवा वधू यांची निवड करतांना त्यांच्या व्यावहारिक माहितीसह ‘त्यांना साधना करण्याची आवड आहे का ?’, हेही जाणून घ्या !