पुणे येथे १० मासांत १३४ अल्‍पवयीन मुली बेपत्ता !

पोलीस अन्‍वेषणातील माहिती

१. कौटुंबिक वाद आणि प्रेमात पडल्‍याने मुले गायब होण्‍याचे प्रमाण चिंताजनक बनले आहे. पूर्व भागात विशेषतः दाट लोकसंख्‍या आणि झोपडपट्टी भागातील लहान मुले बेपत्ता होण्‍याचे प्रमाण अधिक आहे.

२. अल्‍पवयीन मुले बेपत्ता झाल्‍यावर कायद्यानुसार पोलिसांना अपहरणाचा गुन्‍हा नोंद करावा लागतो. पोलिसांनी गुन्‍हा नोंद केल्‍यावर पोलीस अन्‍वेषणात आणि स्‍वतःहून १५८ मुले सापडली आहेत; मात्र २७ मुली आणि एक मुलगा अद्यापही बेपत्ता आहेत.

३. लोणीकंद परिसरातून सर्वाधिक ४७ मुले बेपत्ता झाली असून त्‍यांपैकी ३५ मुले मिळाली आहेत. अद्याप ११ मुली आणि एक मुलगा गायब आहे. त्‍याखालोखाल विमानतळ पोलीस ठाण्‍याच्‍या परिसरातील ६, तर चंदननगरमधून ३ मुली गायब आहेत.

४. अल्‍पवयीन मुले गायब झाल्‍यावर स्‍थानिक पोलिसांकडून अपहरणाचा गुन्‍हा नोंद करून प्राधान्‍याने अन्‍वेषण केले जाते. ६ मास अन्‍वेषण करूनही मुले सापडली नाहीत, तर सामाजिक सुरक्षा विभागाकडे अन्‍वेषण वर्ग होते. पोलिसांकडून मुलांचा शोध घेतला जातो; पण पालकांनी आपल्‍या पाल्‍यांवर लक्ष ठेवायला हवे.

संपादकीय भूमिका :

• अल्‍पवयीन मुले-मुली बेपत्ता होण्‍याला पालकांची दायित्‍वशून्‍यताही तितकीच कारणीभूत !
• अल्‍पवयीन मुली बेपत्ता होणे, हे गंभीर अन् चिंताजनक, तसेच पोलीस प्रशासनाला लज्‍जास्‍पद आहे ! यावरून पुणे येथे कायदा-सुव्‍यवस्‍था आणि पोलीस यंत्रणा आहे कि नाही ? असा प्रश्न कुणाला पडल्यास त्यात आश्चर्य ते काय ?